މީ ވެރިކަމަށް ފައިނަގަންވީ ވަގުތެއް ނޫން ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ލަފާކުރެވޭ ގޮތުގައި ރައީސް ނަޝީދު މިފަދައިން ވިދާޅުވީ ރައީސް އިބްރާހިމް މުހައްމަދު ސޯލިހު މިއަދު ބޭއްވެވި ނޫސްވެރިންގެ ބައްދަލުވުމުގައި 2023 ގެ ރިޔާސީ އިންތިހާބާ ގުޅިގެން ދެއްކެވި ވާހަކަތަކަށް އިޝާރާތް ކުރައްވައެވެ.
ރައީސް ސޯލިހު ވިދާޅުވީ އެންމެ މުހިންމީ އެމްޑީޕީއަށް ވެރިކަން ލިބުން ކަމަށާއި އެއީ ރާއްޖެއަށް އެންމެ ފައިދާ ބޮޑު ގޮތް ކަމަށެވެ. އަދި ސަރުކާރުން ރައްޔިތުންނަށްޓަކައި ވަރަަށް ގިނަ މަޝްރޫއުތައް ފައްޓާފައިވާ ކަމަށާއި ކުރިއަށް އޮތް އަހަރުތަކުގައި އެ މަޝްރޫއުތައް ނުހުއްޓި ކުރިއަށްދާން ޖެހޭ ކަމަށް ރައީސް ސޯލިހު ވިދާޅުވިއެވެ.
މީގެ އިތުރުން 2023 ވަނަ އަހަރު ބާއްވާ ރިޔާސީ އިންތިހާބު ކާމިޔާބު ކުރެވޭނެ ކަމުގެ ޔަގީންކަން އެބައޮތް ކަމަށްވެސް ރައީސް ސޯލިހު ވިދާޅުވިއެވެ.
ރައީސް ނަޝީދު ވިދާޅުވީ މިއަދުގެ ހާލަތަކީ އަމިއްލަ އުންމީދު އިސްކޮށް ވެރިކަމަށް ފައިނަގަންވީ ވަގުތެއް ނޫން ކަމަށާއި މީ ބޭރުގެ ފައިސާގެ ރިޒާވް ރަނގަޅުކޮށް ރައްޔިތުންގެ ސަލާމަތްތެރިކަން ދެމެހެއްޓޭނެ ގޮތާމެދު ވިސްނާ މަގަށް އަޅުވަންވީ ވަގުތު ކަމަށެވެ.
ސޯލިހަށް ނުވިސްނުނަސް ނަސީދުއަށް ވިސްނޭދޯ އަމަލުނުކުރިޔަސް މިހާނާދިރު ފަށްތަރެއްގަ ރާއްޖެ އޮއްވާ ރައްރަށަން ޔޫތު މިނިދްޓރީއިން ވެރިކަމުގެ ފަރާތުން ކުރުވާހަރަދު ވައުދު ފުއްދަށްށޭ ކިޔާފަ ބަޑެތިބެގެން ކޮންވައުދު ވެރިކަން ބޭނުންވިޔަސް ދެން ބޮޑުވަރެއްތީ