ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް، މިނިސްޓާ އޮފް ސްޓޭޓް ފޯ ޓޫރިޒަމްގެ މަގާމަށް، އދ. މާމިގިލި، ރަންގިރިޓީގެ އިބްރާހީމް ރަޝީދު އަބޫބަކުރު (އިބޫ) މިއަދު އައްޔަން ކުރައްވައިފިއެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ތިލަފުއްޓާއި ގުޅީފަޅު މެނޭޖްކުރުމަށް އުފެއްދި ކުންފުންޏެއް ކަމަށްވާ ގްރޭޓާ މާލެ އިންޑަސްޓްރިއަލް ޒޯން ލިމިޓެޑް (ޖީއެމްއައިޒެޑްއެލް) ގެ މެނޭޖިން ޑިރެކްޓަރުގެ މަގާމު މީގެ ކުރިން އިބްރާހީމް ރަޝީދު އަބޫބަކުރު ވަނީ ފުރުއްވާފައެވެ. އެ މަގާމުގައި އޭނާ ހުންނަވަނިކޮށް އެ ކުންފުނި ވަނީ އުވާލައި އެ ކުންފުނިޣެ މަސައްކަތް އެޗްޑީސީގެ ދަށަށް ބަދަލުކޮށްފައެވެ.
އޭގެ ކުރިން އޭނާ ވަނީ މިނިސްޓާ އޮފް ސްޓޭޓް ފޯ ހޯމް އެފެއާޒްގެ ނައިބުގެ މަގާމާއި މެދު އުތުރު ސަރަހައްދުގެ ގައުމީ އިދާރާގެ ސްޓޭޓް ސެކްރެޓަރީގެ މަގާމާއި ޕްރައިވެޓް ސެކްޓާގެ އެކިއެކި މަގާމުތައް ފުރުއްވާފައެވެ.
އިބްރާހީމް ރަޝީދު އަބޫބަކުރުގެ ތައުލީމީ ހަޔާތަށް ބަލާއިރު، އޭނާ ވަނީ އިނގިރޭސި ވިލާތުގެ ބޯލްޓަން ޔުނިވާސިޓީން އެމްބީއޭ ހާސިލު ކުރައްވާފައެވެ.
