އެސްޓީއޯ އިން ކުރިއަށް ގެންދާ "ރަމަޒާން ބާޒާރު" ގެ މި އަހަރުގެ ސޭލް ފަށައިފިއެވެ.
މި ސޭލް ކުރިއަށްދާނީ މިއަދުން ފެށިގެން އޭޕްރިލް 30، 2022 ގެ ނިޔަލަށް ކަމަށް އެސްޓީއޯއިން ބުނެއެވެ.
އެސްޓީއޯއިން ބުނީ އެހެން އަހަރު ތަކެކޭވެސް އެއްގޮތަށް މި އަހަރުގެ އެސްޓީއޯ ރަމަޒާން ބަޒާރުގައި ވެސް ހިތްގައިމު ޑިސްކައުންޓް ތަކެއް އެކުލެވިގެންވާ ކަމަށެވެ. މި ސޭލް ކުރިއަށް ދާނީ އެސްޓީއޯ ހޯމް އިމްޕްރޫވްމަންޓް އާއި އެސްޓީއޯގެ ރީޖަނަލް ފިހާރަ ތަކުން ކަމަށް އެކުންފުނިން ބުނެއެވެ.
އެސްޓީއޯއިން ބުނީ އެހެން އަހަރު ތަކާއި ހިލާފަށް، 2022 ވަނަ އަހަރުގެ ރަމަޒާން ބާޒާރު ގައި އެސްޓީއޯއިން ބޭނުން ކުރާނީ ތިމާވެއްޓާއި ރައްޓެހި ޑިޖިޓަލް ކޫޕަން ކަމަށެވެ.
ކަސްޓަމަރުންނަށް ލިބިގެންދާނެ ޑިސްކައުންޓް އަދި އޮފާތައް:
- އެސްޓީއޯ ހޯމް އިމްޕްރޫވްމަންޓު އަދި އެސްޓީއޯ ރީޖަނަލް ފިހާރަތަކުގެ ހޯމްއިމްޕްރޫވްމަންޓް މުދަލުން 40 ޕަސަންޓާ ހަމައަށް ޑިސްކައުންޓް ލިބުން.
- ކޮންމެ 1000 ރުފިޔާގެ ވިޔަފާރިޔަކަށް ކޫޕަނެއް ލިބޭ މި ޕްރޮމޯޝަންގައި ހުރިހާ އައުޓްލެޓް ތަކުން ކޮންމެ ހަފްތާއަކު އެއް ނަސީބުވެރި ފަރާތް ހޮވުމުން.
- މުޅި ޕްރޮމޯޝަންގެ ތެރެއިން ނަސީބު ވެރި އެއް ފަރާތަށް ޓާކީ ދެކޮޅު ޓިކެޓް ދެމީހަކަށް ލިބުމުގެ ފުރުސަތު (ދަތުރުގެ އެލަވެންސްގެ ގޮތުގައި 1000 ޑޮލަރު).
- މުޅި ޕްރޮމޯޝަންގެ ތެރެއިން ނަސީބު ވެރި 10 ފަރާތަކަށް އަގުހުރި އިނާމްތަކެއް ދިނުން.
މި އަހަރުގެ ރަމަޒާން ބަޒާރުގައި އެސްޓީއޯއިން އަލަށް ޑިޖިޓަލް ކޫޕަން ތައާރަފް ކޮށްފައިވާއިރު އެސްޓީއޯގެ އަމާޒަކީ ކުންފުނީގެ އޮޕަރޭޝަން ތަކުގައި ކަރުދާސް ބޭނުން ކުރުން ވީހާވެސް މަދުކޮށް ތިމާވެއްޓާއި ރައްޓެހި ގޮތްގޮތަށް ކުންފުނީގެ އޮޕަރޭޝަންސް ބައްޓަން ކުރުން ކަމަށް އެކުންފުނިން ބުނެއެވެ.
އެސްޓީއޯ ސުޕާމާޓްގައި ރަމަޒާން ބާޒާރު ސޭލް މާޗް މަހުގައި ފެށޭނެ ކަމަށް އެކުންފުނިން ވަނީ ބުނެފައެވެ.
ތިޔަ ތަނުން ގަންނަ އެއްޗެއް ހެދޭނެ ގޮތެއް ނޯވެ. އަބަދުވެސް ބުނަނީ މިހާރު ހުރީ ފަހުގެ މޮޑެލްގެ ސްޕެއަރ އެކަނި ކަމަށް. ދެނަ މަވީ އަނެއްކާ ބޮޑު އަގުގަ ފަހުގެ މޮޑެލް ގަންނަން.