ކުރިއާ ހިލާފަށް ކުށްކުރާ ގޮތް ބަދަލުވެ، ފާއިތުވި އަހަރުތަކުގައި ޑިޖިޓަލް މާހައުލުގައި ކުރާ ކުށްތައް، ނުވަތަ ސައިބާ ކްރައިމްގެ ރޭޓު އިތުރުވެފައިވާ ކަމަށް، ޕޮލިސް ކޮމިޝަނާ މުހައްމަދު ހަމީދު މިއަދު ވިދާޅުވެއްޖެއެވެ.
ކުރިއަށް އޮތް ދެއަހަރަށް ފުލުހުން އިސްކަންދޭނެ ކަންކަން ކަނޑައެޅުމުގެ ގޮތުން އިސްކަންދަރު ކޮށީގައި ބޭއްވި އެއް ދުވަހުގެ މަސައްކަތު ބައްދަލުވުން ފެށުމުގެ ގޮތުން ދެއްކެވި ވާހަކައިގައި ހަމީދު ވަނީ، ރާއްޖޭގައި ފުލުހުންގެ ހިދުމަތަށް އޮތް ޑިމާންޑު ބަދަލުވެ، ހިދުމަތަށް އެދޭ އެދުމާއި، ހިދުމަތަށް ބޭނުންވާ މިންވަރު ވަރަށް ބޮޑަށް ބަދަލުވެފައިވާކަން ފާޙަގަ ކުރައްވާފައެވެ.
އެގޮތުން ކުށުގެ ވެށިތަކުގައި އުޅޭ ފަރާތްތަކައް ކުރިމަތިލާންޖެހިފައިވާ ގޮންޖެހުންތައް ބަދަލުވަމުން އައިސް އުނދަގޫވާން ފަށާފައިވާ ކަމަށާއި، އެކަންކަމާ ދެކޮޅަށް ފުލުހުން މަސައްކަތްކުރަމުން ދިޔަ ނަމަވެސް، ކުރަން ހުރި މަސައްކަތްތައް އިތުރުވަމުން އަންނަކަމަށް ހަމީދު ވިދާޅުވިއެވެ.
ހަމަ އެއާއެކު، ކުރިއާ ހިލާފަށް ކުށްކުރާ ގޮތް ބަދަލުވެ، ސައިބާކްރައިމްގެ ރޭޓު އިތުރުވެފައިވާކަން ފާހަގަކުރައްވާ ހަމީދު ވިދާޅުވީ، އެފަދަ ކުށްތައް މަދުކުރުމަށްޓަކައި ފުލުހުން ވާންޖެހޭނީ އެ ކުށްތަކާ ދެކޮޅަށް މަސައްކަތްކުރެވޭ ވަރުގެ މުއައްސަސާއަކަށް ކަމަށާއި، އަދި އެފަދަ މުއައްސަސާއަކަށް ހެދުމަށް ހާއްސަ އިސްކަމެއްދީގެން މަސައްކަތް ކުރިއަށްދާ ތަނެއްގެ ގޮތުގައި ކަމަށެވެ.
އަދި ކުށާ ދެކޮޅަށް މަސައްކަތްކުރުމުގެ އިތުރުން، ކުށަށް އުފެދޭ ކަންކަމަށްވެސް ފުލުހުން މަސައްކަތްކުރަން ޖެހިފައިވާ ކަމަށް ހަމީދު ވިދާޅުވިއެވެ.
ހަމީދު މިހެން ވިދާޅުވެފައިވާއިރު، ރޭ ބޭއްވި ޕްރެސް ބްރީފިންގައި، ބްލެކްމެއިލްކޮށް ބިރުދައްކައިގެން ފައިސާއާއި އަގުބޮޑު ތަކެތި ފޭރެމުންދާ ފަރާތްތަކުން ސްނެޕްޗެޓާއި ޓެލެގްރާމާއި ވައިބާ ފަދަ ސޯޝަލް މީޑިއާ އެޕްތަކުގައި ގްރޫޕްތައް ހަދައިގެން ހަރަކާތްތެރި ވަމުންދާ ކަމަށް ފުލުހުން ވަނީ ބުނެފައެވެ.
އަހަރެން ހީކުރީ އޮސްޓްރޭލިޔާއިން މަތީ ތައުލީމު ހާސިލް ކުރުމުން ތަޖުރިބާއާއި، ފެންވަރު ތަފާތުވާނޭކަމަށް ، ނަމަވެސް ފުލުހުންގެ ތާރީހުގައި އެންމެނާގާބިލް ކަމިޝަނަރުގެ މަގާމު ފުރިމީހާއަށް ތާރީހުގެ ތެރެއަށް ދިއުމަކީ ހުތުރު ކަމެއް. އާދަމް ޒާހިރުމެން ތައުލީމާއި އެއިރުގެ ހިލްމުގެ ބޭނުން ކޮއްފައި މާޒީގައި ގަދަރާއި ކަރާމާތާއި އެކު އެއުޅެނީ، ގިނަމީހުން ހިދުމަތުގެ އަގުވަޒަން ކުރާތީ، ޗީޗީ ޗީ އައްޗީ