ދުވަސްތަކަކަށް ފަހު، ރަށްރަށުން ދުވާލަކު ކޮވިޑް-19 އަށް ޕޮޒިޓިވްވާ މީހުންގެ އަދަދު 30 އަށް ވުރެ ދަށްވެއްޖެއެވެ.
އެޗްޕީއޭ އިން އާންމުކުރި ތަފާސްހިސާބުގައިވާ ގޮތުން، އިއްޔެ އިރުއޮއްސި 6:00 އިން މިއަދު އިރުއޮއްސި 6:00 އަށް ކޮވިޑަށް ޕޮޒިޓިވްވީ 61 މީހެކެވެ. އޭގެ ތެރޭ ހިމެނެނީ ރަށްރަށުން 24 މީހުންނާއި، މާލެއިން 29 މީހުންނާއި، ރިސޯޓުތަކުން އަށް މީހުންނެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވީ 84،164 މީހުންނެވެ. އޭގެ ތެރެއިން 82،309 މީހުން ކޮވިޑުން ރަނގަޅުވެފައި ވާއިރު، ބަލިން ރަނގަޅުނުވެ 1،612 މީހުން އެބަ ތިއްބެވެ. މިހާރު ބަލި ޖެހިފައިވާ މީޙުންގެ ތެރެއިން 16 މީހަކަށް ފެސިލިޓީތަކުގައި އަންނަނީ ފަރުވާ ދެމުންނެވެ.
ކޮވިޑު ޖެހިގެން ފަރުވާ ހޯދަމުން ދިޔަ މީހެއް މިއަދު ވަނީ ނިޔާވެފައެވެ. އެހެންކަމުން ރާއްޖެއިން މިހާތަނަށް 230 މީހުން ވަނީ މަރުވެފައެވެ.
