ކޮވިޑާ ގުޅިގެން ވ. ފުލިދޫ މޮނިޓަރިންގެ ހާލަތަށް ގެނެސްފިއެވެ.
"ދަ ޕްރެސް" އަށް މައުލޫމާތު ދެއްވަމުން ފުލިދޫ ކައުންސިލް މެންބަރު އައިޝަތު ޝަރޫނާ ވިދަޅުވީ އެރަށް މޮނިޓަރިންނަށް ލާފައި ވަނީ އެރަށު ގެސްޓު ހައުސްއެއްގައި މަސައްކަތްކުރާ ދެ މުވައްޒަފަކު ޕޮޒިޓިވް ވެ، އެމީހުންގެ ޑައިރެކްޓު ކޮންޓެކްޓުންގެ ތެރެއިން 3 މީހުން ޕޮޒިޓިވް ވުމާ ގުޅިގެން ކަމަށެވެ.
ގެސްޓު ހައުސްގައި މަސައްކަތްކުރާ ދެ މުވައްޒަފުންނަކީ މީގެ ކުރިން އެ ގެސްޓު ހައުސްއިން ޕޮޒިޓިވްވި، ފަސް ގެސްޓުންގެ ޑައިރެކްޓު ކޮންޓެކްޓުން ކަމަށް ޝަރޫނާ ވިދާޅުވިއެވެ.
ފުލިދޫގެ އިތުރުން އިއްޔެ ވަނީ ބ. ދޮންފަނު މޮނިޓަރިން ހާލަތަށް ލާފައެވެ. އޭގެ އިތުރުން މިމަހު ހަތަރު ވަނަ ދުވަހު ގދ. ފަރެސްމާތޮޑާ، ރ. ރަސްމާދޫ އަދި ސ. ހުޅުމީދޫ ވެސް މޮނިޓަރިންއަށް ލާފައެވެ. މިއާއެކު މިވަގުތު 23 ރަށެއް މޮނިޓަނިން ހާލަތުގައި އެބަ އޮތެވެ.
މިދިޔަ މަހު މޮނިޓަރިންގެ ހާލަތަށް ގެނައި ރަށްތަކުގެ ތެރެއިން މިވަގުތު މޮނިޓަރިންގައި އޮތީ 17 ރަށެކެވެ. އޭގެ ތެރޭގައި އއ. ހިމާންދޫ، މ.މަޑުއްވަރީ، ކ.ގާފަރު، ފުވައްމުލަކު ސިޓީ، ގދ. މަޑަވެލި. ލ. މުންޑޫ އަދި ށ. މިލަންދޫ ހިމެނެއެވެ.
އޭގެ އިތުރުން އދ. މަހިބަދޫ، ވ. ތިނަދޫ، ށ. ކަނޑިތީމު، ހދ، ނޮޅިވަރަމް، މ. ވޭވަށް، ސ. ހިތަދޫ، ސ. މަރަދޫ، ސ، މަރަދޫ ފޭދޫ، ސ. ފޭދޫ، ހދ، ނޮޅިވަރަމްފަރު ވެސް ހިމެނެއެވެ.
މޮނިޓަރިންގެ ހާލަތުގައި އޮތް ރަށްތަކުގެ ތެރެއިން އެންމެ ގިނަ ދުވަސްވެފައިވަނީ ރ. ދުވާފަރެވެ. އެ ރަށް މޮނިޓަރިންގެ ހާލަތަށް ގެނައީ މިދިޔަ މެއި މަހުގެ 25 ވަނަ ދުވަހުއެވެ.
