ގދ. ފަރެސްމާތޮޑާ މޮނިޓަރިން ހާލަތަށް ގެނެސްފިއެވެ.
ފަރެސްމާތޮޑާ ހެލްތު ސެންޓަރުން ބުނީ، އެރަށް މޮނީޓަރިން ހާލަތަށް ގެނެސްފައިވަނީ އެ ރަށުން ނެގި ރެންޑަމް ސާމްޕަލެއް ޕޮޒިޓިވް ވުމާގުޅިގެން ކަމަށެވެ. އަދި އެކަމާ ގުޅިގެން ކޮންޓެކްޓް ޓްރޭސިން ހެދުމުގެ މަސައްކަތް ކުރަމުންދާ ކަމަށް ހެލްތު ސެންޓަރުން ބުނެއެވެ.
ފަރެސްމާތޮޑާގެ އިތުރުން އިއްޔެ ވަނީ ރ. ރަސްމާދޫ އަދި ސ. ހުޅުމީދޫ ވެސް މޮނިޓަރިންއަށް ލާފައެވެ. މިއާއެކު މިވަގުތު 23 ރަށެއް މޮނިޓަނިން ހާލަތުގައި އެބަ އޮތެވެ.
މިމަހު އެއްވަނަ ދުވަހު ވަނީ ރ. މަޑުއްވަރީ މޮނިޓަރިން ހާލަތަށް ގެނެސްފައެވެ.އެވެ. މިދިޔަ މަހު މޮނިޓަރިންގެ ހާލަތަށް ގެނައި ރަށްތަކުގެ ތެރެއިން މިވަގުތު މޮނިޓަރިންގައި އޮތީ 19 ރަށެކެވެ. އޭގެ ތެރޭގައި އއ. ހިމާންދޫ، އދ. ހަންޏާމީދޫ، މ.މަޑުއްވަރީ، ކ.ގާފަރު، ފުވައްމުލަކު ސިޓީ، ގދ. މަޑަވެލި. ލ. މުންޑޫ އަދި ށ. މިލަންދޫ ހިމެނެއެވެ.
އޭގެ އިތުރުން އދ. މަހިބަދޫ، ވ. ތިނަދޫ، ށ. ކަނޑިތީމު، ހދ، ނޮޅިވަރަމް، މ. ވޭވަށް، ސ. ހިތަދޫ، ސ. މަރަދޫ، ސ، މަރަދޫ ފޭދޫ، ސ. ފޭދޫ، ހދ، ނޮޅިވަރަމްފަރު ވެސް ހިމެނެއެވެ.
މޮނިޓަރިންގެ ހާލަތުގައި އޮތް ރަށްތަކުގެ ތެރެއިން އެންމެ ގިނަ ދުވަސްވެފައިވަނީ ރ. ދުވާފަރެވެ. އެ ރަށް މޮނިޓަރިންގެ ހާލަތަށް ގެނައީ މިދިޔަ މެއި މަހުގެ 25 ވަނަ ދުވަހުއެވެ.
