ކޮވިޑާ ގުޅިގެން ސ. ހުޅުމީދޫ މޮނިޓަރިން ހާލަތަށް ގެނެސްފިއެވެ.
"ދަ ޕްރެސް" އަށް މައުލޫމާތު ދެއްވަމުން ހުޅުދޫ ކައުންސިލް މެންބަރު ހުސައިން ފާއިޒު ރަހްމާން ވިދާޅުވީ އެރަށުގައި ކޮވިޑް ކޭސްތައް ފެންނަމުން ދާތާ ހަފްތާއެއް ވެއްޖެ ކަމަށެވެ. އަދި ރަށް މޮނިޓަރިން ހާލަތަށް ގެނައީ ކޮވިޑް ކޭސްތައް ފެންނަ މިންވަރު އިތުރުވުމާ ގުޅިގެން ކަމަށް ފާއިޒު ވިދާޅުވިއެވެ.
ހުޅުމީދޫގެ އިތުރުން މިވަގުތު 21 ރަށެއް މޮނިޓަނިން ހާލަތުގައި އެބަ އޮތެވެ.
އެންމެ ފަހުން މޮނިޓަރިންގެ ހާލަތަށް ގެނައީ މިމަހު އެއްވަނަ ދުވަހު ރ. މަޑުއްވަރީއެވެ. މިދިޔަމަހު މޮނިޓަރިންގެ ހާލަތަށް ގެނައި ރަށްތަކުގެ ތެރެއިން މިވަގުތު މޮނިޓަރިންގައި އޮތީ 19 ރަށެކެވެ. އޭގެ ތެރޭގައި އއ. ހިމާންދޫ، އދ. ހަންޏާމީދޫ، މ.މަޑުއްވަރީ، ކ.ގާފަރު، ފުވައްމުލަކު ސިޓީ، ގދ. މަޑަވެލި. ތ. ވޭމަންޑޫ، ލ. މުންޑޫ އަދި ށ. މިލަންދޫ ހިމެނެއެވެ.
އޭގެ އިތުރުން އދ. މަހިބަދޫ، ވ. ތިނަދޫ، ށ. ކަނޑިތީމު، ހދ، ނޮޅިވަރަމް، މ. ވޭވަށް، ސ. ހިތަދޫ، ސ. މަރަދޫ، ސ، މަރަދޫ ފޭދޫ، ސ. ފޭދޫ، ހދ، ނޮޅިވަރަމްފަރު ވެސް ހިމެނެއެވެ.
މޮނިޓަރިންގެ ހާލަތުގައި އޮތް ރަށްތަކުގެ ތެރެއިން އެންމެ ގިނަ ދުވަސްވެފައިވަނީ ރ. ދުވާފަރެވެ. އެ ރަށް މޮނިޓަރިންގެ ހާލަތަށް ގެނައީ މިދިޔަ މެއި މަހުގެ 25 ވަނަ ދުވަހުއެވެ.
