އައްޑޫ ސިޓީން ކޮވިޑްގެ އެކްޓިވް ކޭސްތަކުގެ އަދަދު 140އިން މައްޗަށް އަރައިފިއެވެ.
އައްޑޫ އިކުއަޓޯރިއަލް ހޮސްޕިޓަލުން ބުނީ އިއްޔެ ހަވީރު 6 ޖެހުމާ ހަމައަށް އާ 5 ކޭސް ފެނިފައިވާ ކަމަށެވެ.
އެގޮތުން އޭގެ ތެރެއިން 3 ކޭސް ފެނިފައިވަނީ މަރަދޫ އިން ކަމަށާއި އަނެއް ދެ ކޭސް ފެނިފައިވަނީ މަރަދޫފޭދޫން އަދި ފޭދޫ އިން ކަމަށް އެހޮސްޕިޓަލުން ބުނެއެވެ.
އިއްޔެ ޕޮޒިޓިވްވި މީހުންގެ ތެރޭގައި ހިމެނެނީ 4 ޑައިރެކްޓް ކޮންޓެކްޓުންނާ ރެންޑަމް ސާމްޕަލްއެއް ކަމަށް ހޮސްޕިޓަލުން ބުނެއެވެ.
އައްޑޫއިން 738 ކޮވިޑް ކޭސްފެނިފައިވާއިރު އޭގެ ތެރެއިން 587 މީހުން ވަނީ ރަނގަޅުވެފައެވެ. މިބަލީގައި އައްޑޫ އިން ދެ މީހަކު ވަނީ މަރުވެފައެވެ.
އެކްޓިވް ކެސްތަކަށް ބަލާއިރު އެކްޓިވް ކޭސްތަކުގެ އަދަދު އުޅެނީ 149 ގައެވެ. އެގޮތުން އެންމެ ގިނަ އެކްޓިވް ކޭސް މިހާރު އުޅެނީ މަރަދޫގައެވެ. މަރަދޫގައި އެކްޓިވް ކޭސް އުޅެނީ 79 ކޭސްއެވެ.
މީގެ އިތުރުން މަރަދޫފޭދޫގައި 39 ކޭސް، ފޭދޫގައި އެކްޓިވް 12 ކޭސް، ހިތަދޫގައި 11 ކޭސް އުޅޭ ކަމަށް ހޮސްޕިޓަލުން ބުނެއެވެ.
