ހއ.އިހަވަންދޫ މޮނިޓަރިންގެ ހާލަތައް ގެނެސްފިއެވެ.
އިހަވަންދޫ ހެލްތު ސެންޓަރުން ބުނީ އެރަށް މޮނީޓަރިން ހާލަތަށް ގެނެސްފައިވަނީ މިމަހު 14 އަދި 15 ޕޮޒިޓިވްވި ކޭސްތަކާއި ގުޅިގެން ކަރަންޓީންކޮށްފައިވާ 2 މީހަކު ކޮވިޑަށް ޕޮޒިޓިވްވުމާ ގުޅިގެން ކަމަށެވެ.
މިހާލަތުގައި އެޗްޕީއޭއިން މޮނިޓަރިންގެ ހާލަތުގައި އޮންނަ ރަށްތަކުގައި އަމަލުކުރުމަށް އެކުލަވާލާފައިވާ އުސޫލާ އެއްގޮތަށް ހުރިހާ އެންމެން ވެސް އަމަލުކުރުމަށް ހެލްތު ސެންޓަރުން ވަނީ އެދިފައެވެ.
މީގެ ކުރިން އެރަށުން ޕޮޒިޓިވް ވެފައިވަނީ ދ.އަތޮޅު ކުޑަހުވަދޫން އިހަވަންދުއަށް ދަތުރު ކުރި ހަތަރު މީހުންނެވެ.
އިހަވަންދޫގައި މިހާރު ކޮވިޑް ޖެހިފައި ހަ މީހުން އެބަތިއްބެވެ.
މީގެ ކުރިންވެސް ޕޮޒިޓިވް ކޭސް ފެނިގެން މި ރަށް މޮނިޓަރިއަށް ލިޔެވެ.
މިވަގުތު މޮނިޓަރިންގެ ހާލަތުގައި އޮތީ 14 ރަށެކެވެ. އެއީ ހދ. މަކުނުދޫ، ހއ. ތަކަންދޫ، ހއ. އިހަވަންދޫ، ހއ، ނެއްލައިދޫ، އދ.ހަންޏާމީދޫ، ށ. ފީވައް، މ. ކޮޅުފުށި، ރ. ދުވާފަރު، ބ.އޭދަފުށި، ބ. ކަމަދޫ، ކ. ކާށިދޫ، ދ. ކުޑަހުވަދޫ، އއ. ހިމަންދޫ އާއި ތ. ހިރިލަންދޫއެވެ.
