އައްޑޫ ސިޓީން ކޮވިޑަށް ޕޮޒިޓިވް ވި ޖުމްލަ ކޭސްގެ އަދަދު 638 އަށް އަރައިފިއެވެ.
އައްޑޫ އިކުއަޓޯރިއަލް ހޮސްޕިޓަލުން ބުނީ އިއްޔެ ހަވީރު 6 ޖެހުމާ ހަމައަށް 18 ކޭސް ފެނިފައިވާ ކަމަށެވެ.
އެގޮތުން އޭގެ ތެރެއިން 16 ކޭސް މަރަދޫ އިން ފެނިފައިވާއިރު މަރަދޫފޭދޫން އަދި ހިތަދޫ އެއް ކޭސް ފެނިފައިވާ ކަމަށް އެހޮސްޕިޓަލުން ބުނެއެވެ.
އިއްޔެ ޕޮޒިޓިވްވި މީހުންގެ ތެރޭގައި ހިމެނެނީ16 ޑައިރެކްޓް ކޮންޓެކްޓުންނާ، އެއް ފްލޫ ސާމްޕަލް އަދި ހޯމް ކަރަންޓީނުގައި ހުރި މީހެއް ކަމަށް ހޮސްޕިޓަލުން ބުނެއެވެ.
އައްޑޫއިން 638 ކޮވިޑް ކޭސްފެނިފައިވާއިރު އޭގެ ތެރެއިން 556 މީހުން ވަނީ ރަނގަޅުވެފައެވެ. މިބަލީގައި އައްޑޫ އިން ދެ މީހަކު ވަނީ މަރުވެފައެވެ.
އެކްޓިވް ކެސްތަކަށް ބަލާއިރު އެކްޓިވް ކޭސްތަކުގެ އަދަދު އުޅެނީ 80 ގައެވެ. އެގޮތުން އެންމެ ގިނަ އެކްޓިވް ކޭސް މިހާރު އުޅެނީ މަރަދޫގައެވެ. އެއީ މަރަދޫގައެވެ. މަރަދޫގައި އެކްޓިވް ކޭސް އުޅެނީ 64 ކޭސްއެވެ.
އޭގެ އިތުރުން މަރަދޫފޭދޫގައި ހަތް ކޭސް، ފޭދޫގައި އެކްޓިވް ހަ ކޭސް، އަދި ހިތަދޫގައި ތިން ކޭސް، އެބައުޅެއެވެ.
