މިއަދު ޖުމްލަ 125 މީހަކު ކޮވިޑަށް ޕޮޒިޓިވް ވެފައި ވާ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ، ވޭތުވެ ދިޔަ 24 ގަޑިއިރުގެ ތެރޭގައި ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން 30 މީހަކާއި އަތޮޅުތެރޭގެ ރަށްރަށުން 66 މީހަކާއި މިވަގުތު ހިންގަމުން ގެންދާ ރިސޯޓު ތަކުން 29 މީހެއް ކަމަށެވެ.
މިއަދުގެ ކޮވިޑް އަޕްޑޭޓް:
- މިއަދު ޕޮޒިޓިވްވި އަދަދު: 125
- ކޮވިޑް އެކްޓިވް ކޭސް: 2090
- ހޮސްޕިޓަލުގައި އެޑްމިޓް ކޮށްފައިވާ މީހުންގެ އަދަދު: 22
- ކޮވިޑް މަރުގެ ޖުމްލަ އަދަދު: 222
- ޕޮޒިޓިވްވި މީހުންގެ ޖުމްލަ އަދަދު: 78،815
- ބަލިން ރަނގަޅުވި މީހުންގެ ޖުމްލަ އަދަދު 76،491
ރާއްޖެއިން މި ބަލި ފެނުނުތާ މިއަދާ ހަމައަށް 523 ދުވަސް ވެފައި ވާއިރު، މި ދިޔަ އަހަރު ނިމުނު އިރު 13،757 ކޮވިޑް ޕޮޒިޓިވް ކޭސް ވަނީ ރިޕޯޓް ކޮށްފައެވެ.
މިދިޔަ އަހަރުގެ ނިޔަލަށް 49 މީހަކު ވަނީ މަރުވެފައެވެ. މިއަހަރު މިހާތަނަށް 64،946 މީހަކު ޕޮޒިޓިވް ވެފައި ވާއިރު މި ބަލީގައި މި އަހަރު ވަނީ 173 މީހަކު މަރުވެފައެވެ.
125 މީހަކު މިއަދު ޕޮޒިޓިވް ވެފައިވާ އިރު އިއްޔެ ވަނީ ކޮވިޑް ޖެހިގެން 112 މީހަކު ޕޮޒިޓިވް ވެފައެވެ.
