ނިއުކްލިއާ ހަތިޔާރު ތަރައްގީ ކޮށް، ބެލިސްޓިކް މިސައިލް މަޝްރޫއާއިގެން ކުރިއަށް ދިއުމަށް އީރާނުން ނިންމާފައިވާ ނިންމުމާ ދެކޮޅަށް މުޅި ދުނިޔެއިންވެސް ނަތިޖާ ނެރެނިވި ރޫހެއްގައި ތެދުވުމަށް، ސައުދީގެ ރަސްގެފާނު ސަލްމާން ބިން ޢަބްދުލްޢަޒީޒު ގޮވާލައްވައިފިއެވެ.
ސަލްމާން ރަސްގެފާނު މިކަމަށް ގޮވާލައްވާފައި ވަނީ، ސައުދީ ސަރުކާރަށް ލަފާ އަރުވާ އިސް މުޝީރުންގެ އަހަރީ ބައްދަލުވުމަށް ދެއްވި ތަގުރީރުގައެވެ.
އީރާނުގެ ސަރަހައްދީ މަޝްރޫއުތަކަކުގައި ނުރައްކާ އެބަ އޮތް ކަމަށާ، އެހެން ގައުމުތަކުގެ ކަންކަމުގެ ތެރެއަށް އީރާނުން ވަންނަ ކަމަށާ، އީރާނަކީ ޓެރަރިޒަމަށް ހިތްވަރުދޭ ގައުމެއް ކަމަށާ، އެއީ ބައިބައިވުމަށް ހިތްވަރުދޭ ގައުމެއް ކަމަށް ސަލްމާން ރަސްގެފާނު ވިދާޅުވިއެވެ.
ނިއުކްލިއާ ހަތިޔާރު ތަރައްގީ ކޮށް، ބެލިސްޓިކް މިސައިލް މަޝްރޫއާއިގެން ކުރިއަށް ދިއުމަށް އީރާނުން ނިންމާފައިވާ ނިންމުމާ ދެކޮޅަށް މުޅި ދުނިޔެއިންވެސް ނަތިޖާ ނެރެނިވި ރޫހެއްގައި ތެދުވަންޖެހޭ ކަމަށާ، މި މަޝްރޫއަކީ ސަލާމަތާ ސުލްހައަށް އޮތް ނުރައްކަލެއް ކަމަށްވެސް ސައުދީގެ ރަސްގެފާނު ވަނީ ސިފަކުރައްވާފައެވެ.
އީރާނާއި ސައުދީއަކީ މެދުއިރުމަތީގެ ހަމަނުޖެހުންތަކުގައި ދިމާ އިދިކޮޅަށް އޮންނަ ދެ ގައުމެވެ. ސޫރިއާއާއި ޔަމަނުގައި ކުރަމުންދާ ހަނގުރާމާގައި އީރާނާއި ސައުދީއިން އެއްބާރުލުން ދެނީ ދެ ބަޔަކަށެވެ. ސައުދީ އަރަބިއްޔާއަކީ، އީރާނާ ދެކޮޅަށް އެމެރިކާގެ ރައީސް ޑޮނާލްޑް ޓްރަމްޕްގެ ސަރުކާރުން ގެންގުޅޭ ހަރުކަށި އުސޫލުތަކަށް އިންތިހާއަށް ތާއީދު ކުރާ ގައުމެކެވެ. ނަމަވެސް އިންތިހާބީ ރައީސް، ބައިޑަންގެ ސަރުކާރުގައި އީރާނަށް ލުއިތަކެއް ލިބިދާނެ ކަމާ މެދު ސައުދީއިން ބަލަމުންދަނީ ފާޑުވެރި ނަޒަރަކުން ކަމަށްވެއެވެ.
ފުރަތަމަ އެމެރިކާ އާ ދެކޮޅަށް ތެދުވަންވީ.