ދަތުރުކުރަމުންދިޔަ އުޅަނދަށް ދިމާވި މައްސަލަތަކަކާ ގުޅިގެން ހުޅަނގު ޕެސިފިކް ސަރަހައްދުގެ އެކަހެރި ޖަޒީރާ ރަށެއްގައި ހާލުގައި ޖެހިފައި ތިބި 3 މީހަކު ސަލާމަތް ކުރެވުނީ، އެ ރަށުގެ ގޮނޑުދޮށުގައި އެމީހުން ލިޔުނު މެސެޖެއްގެ ސަބަބުން ކަން ހާމަވެއްޖެއެވެ.
މައިކްރޮނޭޝިއާގެ ރަށްތަކުގެ ތެރެއިން ރަށެއްގައި ހާލުގައި ޖެހިފައި ތިބި 3 ފަޅުވެރިން ރެސްކިއު ހެލިކޮޕްޓަރަކަށް ނަގާފައިވަނީ، ދޮންވެލިގަނޑުގައި ލިޔެފައިވާ "އެސްއޯސްއެސް" މެސެޖު، އެމެރިކާއާއި އޮސްޓްރޭލިއާގެ ހެލިކޮޕްޓަރު ކުރޫއަށް ފެނުނު ހިސާބުން ކަމަށް އޮސްޓްރޭލިއާގެ ދިފާއީ ބާރު (އޭޑީއެފް) އިން ޚަބަރު ދެއެވެ.
މި 3 މީހުންނަކީވެސް މީގެ 3 ދުވަސް ކުރިން ފެށިގެން ވީނުވީއެއް ނޭނގި ގެއްލިފައިވާ 3 ފަޅުވެރިންނެވެ. އެކަހެރި ޖަޒީރާ ރަށެއްގައި މި 3 މީހުން ހާލުގައި ޖެހުނީ، އެމީހުން ދަތުރު ކުރަމުންދިޔަ އުޅަނދުން ތެޔޮ ހުސްވެ، ބެހިގެން ދިޔަ ހިސާބުންނެވެ.
އެކަހެރި ރަށުން މިމީހުން ސަލާމަތް ކުރިއިރު، އެއްވެސް މީހަކަށް ސީރިއަސް އަނިޔާތަކެއް ލިބިފައި ނުވާކަމަށް ޚަބަރު ލިބެއެވެ.
ތީ ކުރު ވާހަކައެއްތަ؟ ކޮން ބައެއްތަ؟ ކޮން ގައުމެއްތަ؟