ލ. ފޮނަދޫގެ ވަލުތެރޭގައި ހުރި ގެއެއްގައި ހަށި ވިއްކުން ފަދަ ބޮޑެތި ކުށްތައް ކުރަމުން ދާތި ފޮނަދޫ ކައުންސިލުން އެ ގެ ރޫޅާލައިގެން ނަގައިފިއެވެ.
ފުލުހުން ބުނިީ، މި ގެއަކީ ހަށި ވިއްކުމާއި، މަސްތުވާތަކެތި ބޭނުން ކުރުމާއި، ރޯދަ މަހު ދުވާލު ކެއުން ފަދަ ބޮޑެތި ކުށްތަކަށް އަރައިގަތުމުގައި ބޭނުން ކުރަމުންދާ ގެއެއް ކަމަށް ބުނެ ކައުންސިލުން ރިޕޯޓް ކޮށްފައިވާ ކަމަށެވެ. އަދި ކައުންސިލުން މިގެ ނެގި ސަރަހައްދުގައި ސެކުރިޓީ ބެލެހެއްޓުމަށް ފުލުހުން ހަރަކާތްތެރި ވެފައިވާ ކަމަށް ފުލުހުން ބުނެއެވެ.
ފޮނަދޫ ކައުންސިލުން ބުނީ މި ގެއަކީ ބަންޑާރަ ބިމެއްގައި ކައުންސިލުގެ އެއްވެސް ހުއްދައެއް ނެތި އަޅާފައިވާ ގެއެއް ކަމަށެވެ. އަދި މިގެ އަޅާފައި ވަނީ ކުރިމަގު އަވަށުގެ ވަލުތެރޭގައި ކަމަށް އެރަށު ކައުންސިލުން ބުނެއެވެ.
ފުލުހުން އަންނަނީ މާލޭގައި މިފަދަ ކުއްތަށް ކުރަމުންދާ ކަމަށް ބުނާ ގެތަށް ވެސް ބަލައި ފާސްކުރަމުންނެވެ. ފުލުހުން ހިންގި އޮޕަރޭޝަނެއްގާ މާލޭގެ ދެ ގެއެއް ބަލާ ފާސްކޮށް ވަނީ އަންހެނަކާއި 18 އަހަރުން ދަށުގެ ދެ ކުދިން ހިމެނޭ ގޮތަށް 38 މީހަކު މިދިޔަ ހަފްތާތެރޭގައި ހައްޔަރުކޮށްފައެވެ.
ފުލުހުން ބުނީ މިފަދަ ކުއްތަކަށް އަރައިގަތުމަށް ހާއްސަކޮށް މިފަދަ ގްރޫޕްތަކުން އުޅޭ ގެތައް މާލޭގައިވެސް ގިނަކަމަށެވެ. އަދި އަތޮޅު ތެރޭ ރަށްތަކުގައި ވެސް ގިނަ އަދަދަކަށް މިފަދަ ގެތައް ހުންނަ ކަމަށް ފުލުހުން ވަނީ ބުނެފައެވެ.
