އިމިގްރޭޝަންގެ އެސިސްޓެންޓު ކޮންޓްރޯލާގެ މަގާމުން ހަމީދު ފަތުހުއްﷲ ވަކިކޮށްފިއެވެ.
"ދަ ޕްރެސް" އަށް އެނގިފައިވާ ގޮތުގައި އޭނާ މަގާމުން ވަކިކޮށްފައިވަނީ މި ހަފްތާގެ ތެރޭގައެވެ. އޭނާވަނީ މިއަހަރުގެ ފެބްރުއަރީ މަހުން ފެށިގެން ސީއެސްސީ އިން ބަލަމުން ދިޔަ މައްސަލަޔަކާ ގުޅިގެން ސަސްޕެންޑު ކޮށްފައެވެ.
އޭނާ ސަސްޕެންޑް ކުރުމާ ގުޅިގެން އެ މަގާމުގެ ހުރިހާ މަސްއޫލިއްޔަތުތަކެއް ވަގުތީގޮތުން ހަވާލުކޮށްފައިވަނީ އިމިގްރޭޝަނުގެ ޒިންމާދާރު ވެރިޔާ، ޗީފް ޕްރިންސިޕަލް އިމިގްރޭޝަން އޮފިސަރު މޫސާ ޒަމީރާއެވެ.
އޭނާ މަގާމުން ވަކިކުރި ވަކި ސަބަބެއް މިހާތަނަށް ސީއެސްސީ އިން ހާމަކޮށްފައެއް ނުވެއެވެ.
ނިމިދިޔަ ސަރުކާރުގައި އިމިގްރޭޝަން ތެރޭގައި ގިނަ އަދަދެއްގެ ކޮރަޕްޝަނުގެ އަމަލުތަކެއް ހިންގާފައި ވާކަމުގެ ވާހަކަ ވަނީ ފެންމަތިވެފައެވެ. އެހެން ކަމުން އިމިގްރޭޝަނުގެ ހިންގުމުގެ ނިޒާމަށް ވަނީ ވަނީ ބަދަލުތަކެއް ގެނެސްފައެވެ.
