މެލޭޝިއާ ފުލުހުން ތަހުގީގުކުރަމުންދާ މައްސަލައަކާ ގުޅިގެން ދިވެއްސަކު ހައްޔަރުކޮށްފިއެވެ.
މިކަމާ ގުޅިގެން ފުލުހުން ބުނީ މެލޭޝިއާ ފުލުހުން ތަހުގީގުކުރަމުންދާ މައްސަލައަކާއި ގުޅިގެން ދިވެއްސަކު ހައްޔަރުކޮށްފައިވާކަމުގެ މައުލޫމާތު ދިވެހި ފުލުހުންގެ ހިދުމަތައް ލިބިފައިވާ ކަމަށެވެ.
މެލޭޝިއާ ފުލުހުން ތަހުގީގުކުރަމުންދާ މައްސަލައިގައި ހައްޔަރުކޮށްފައިވަނީ އުމުުރުން 28 އަހަރުގެ އަބްދުލް ބާތިން މުހައްމަދު ކިޔާ މީހެކެވެ.
މި މީހާއާ ގުޅޭ އިތުރު އެއްވެސް ތަފްސީލެއް ފުލުހުން ހާމަކޮށްފައެއް ނުވެއެވެ.
ފުލުހުން ބުނީ ބާތިންގެ މައްޗަށް ތުހުމަތުކުރެވޭ ގެވެށި އަނިޔާގެ މައްސަލައެއް ދިވެހި ފުލުހުން ވެސް ތަހުގީގުކުރަމުން ދާކަމަށެވެ.
ނަމަވެސް ބާތިންއާއި ގުޅިގެން މެލޭޝިއާ ފުލުހުން ތަހުގީގުކުރަމުންދަނީ ކޮން މައްސަލައެއްކަމެއް ފުލުހުން ހާމަކޮށްފައެއް ނުވެއެވެ.
