އިތުބާރު ހިފޭ މަގާމެއްގައި ތިބި ބަޔަކު 17 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއް ފެންމަތިވެއްޖެއެވެ.
މި މައްސަލައާ ގުޅިގެން ފުލުހުން ބުނީ ނޯތު ޕޮލިސް ރީޖަން (ނ، ރ، ބ، ޅ އަތޮޅުގައި) ހިމެނޭ ރަށެއްގައި އިތުބާރު ކުރެވޭ މަގާމެއްގައި ތިބި ބަޔަކު އުމުރުން 17 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއް ހުށަހަޅާފައިވާ ކަމަށެވެ.
މި މައްސަލަ ރިޕޯޓްކޮށްފައި ވަނީ މިދިޔަ ޖެނުއަރީ މަހުގެ 20 ވަނަ ދުވަހު ކަމަށް ފުލުހުން ވަނީ ބުނެފައެވެ. އަދި މި މައްސަލައިގައި މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން ވަނީ ބުނެފައެވެ.
ފުލުހުން އިތުރަށް ބުނީ ގުޅުން ހުރި އިދާރާތަކާ އެކު މި މައްސަލަ ތަހުގީގުކުރަމުންދާ ކަމަށެވެ.
