އޯޓިޒަމް ތަހައްމަލު ކުރާ ކޮންމެ ކުއްޖަކީވެސް ގައުމަށް މުހިންމު އަގުހުރި ދަރިއެއްކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ އޯޓިޒަމް ތަހައްމަލުކުރަމުންދާ ކުދިންނަކީ ވެސް ގައުމަށް މަންފާކޮށްދޭނެ އެތައް މޮޅެތި ހުނަރު ހުރި ކުދިން ކަމަށާއި، ކޮންމެ ކުއްޖަކީ ވެސް ގައުމަށް އަގުހުރި ކުއްޖެއް ކަމަށެވެ.
ރައީސް މިފަދައިން ވިދާޅުވެފައިވަނީ މިއަދު ފާހަގަކުރަމުންދާ އޯޓިޒަމް ދުވަހާ ގުޅިގެންނެނެވެ. އެގޮތުން ކޮންމެ އަހަރެއްގެވެސް އޭޕްރީލް 2 ވަނަ ދުވަހަކީ ދުނިޔޭގެ އޯޓިޒަމަށް ހޭ؛ުންތެރިކުރުމުގެ ދުވަހުގެ ގޮތުގައި ފާހަގަކުރަމުންދާ ދުވަހެކެވެ.
އޯޓިޒަމް ދުވަހާއި ގުޅިގެން ދުނިޔޭގެ އެކި ކަންކޮޅުތަކުގައި ހޭލުންތެރިކުރުމުގެ ޕްރޮގްރާމުތަކާއި އެފަދަ ކުދިންނާއި ގުޅިގެން ބެލެނިވެރިންނަށްވެސް ހާއްސަ މައުލޫމާތު ސެޝަންތައް ދަނީ ފޯރުކޮށްދެމުންނެވެ.
އޯޓިޒަމް ހުންނަ ގިނަ ކުދިންނަކީ އަނގަބަހުން ވާހަކަ ދެއްކުމަށް އުނދަގޫވާ ކުދިންނެވެ. ގިނަ ފަހަރަށް ކައިރީގައި ތިބޭ މީހުންނަށް އަޅާ ނުލާނެއެވެ. މީހުންނާ ވާހަކަ ދައްކާކަށް ނުޅޭނެއެވެ. އޯޓިޒަމްގެ އަލާމާތްތައް ފުރަތަމަ ފާޅުވާން ފަށަނީ ކުއްޖާގެ އުމުރުން ފުރަތަމަ ތިން އަހަރު ތެރޭގައެވެ.
ފާހަގަކޮށްލެވޭ ގޮތުގައި މިފަދަ ގިނަ ކުދިން ރާއްޖޭގައިވެސް އުޅެއެވެ.