ފުލުހުންގެ ވެލްފެއާ ކޯޕަރޭޝަން (ޕޮލްކޯ) ގެ ސީއީއޯގެ މަގާމުގައި ހުންނެވި އިންސްޕެކްޓަރު އަހުމަދު އަނީސްގެ އިތުބާރު ނެތްކަމުގެ މައްސަލައިގައި ވަކިގޮތެއް ނިމެން ދެން، އޭނާ މަގާމުން އެކަހެރިކޮށްފިއެވެ.
ފުލުހުން ބުނީ އަހުމަދު އަނީސްގެ އިތުބާރު ނެތްކަމުގެ މައްސަލަ އެއް ޕޮލްކޯގެ ބޯޑަށް ހުށަހަޅާފައިވާތީ މައްސަލައިގައި ގޮތެއް ނިންމަން ދެން ޒިންމާތަކުން އެކަހެރިކުރުމަށް ފެބްރުއަރީ 23، 2025 ވަނަ ދުވަހު ޕްލްކޯގެ ބޯޑުން ނިންމާފައިވާކަމަށެވެ. އަދި ޕޮލްކޯ ދުވަހުން ދުވަހަށް ހިންގާ ބެލެހެއްޓުމުގެ ޒިންމާ ސެކެރެޓަރީ ޖެނެރަލް އިބްރާހީމް ހަލީލް އާއި ހަވާލުކުރުމަށް ނިންމާފައިވާކަމަށްވެސް ދުލުހުން ވަނީ ބުނެފައެވެ.
ޖުލައި 2020 ޖުލައި މަހުން ފެށިގެން ޕޮލްކޯގެ ސެކެރެޓަރީގެ މަގާމު ފުރަމުން ގެންދަވާ އިބްރާހީމް ހަލީލް ޕޮލްކޯ ހިންގުމަށް ހަވާލުކޮށްފައިވާއިރު ރު، މިވަގުތު އެންޓި ކޮރަޕްޝަން ކޮމިޝަން (އޭސީސީ) އިން އަންނަނީ ޕޮލްކޯގެ ކޮރަޕްޝަންގެ މައްސަލަތަކެއް ތަހުގީގު ކުރަމުންނެވެ. އަދި ޕޮލްކޯގެ ކޮރަޕްޝަންގެ މައްސަލަތަކެއް ރައްޔިތުންގެ މަޖިލީހުގެ މާލިއްޔަތު ކޮމިޓީން އަންނަނީ ދިރާސާ ވެސް ކުރަމުންނެވެ.
އަނީސްއަށް ޕޮލްކޯގެ ސީއީއޯގެ މަގާމު ދީފައި ވަނީ މިދިޔަ އަހަރުގެ މާޗް މަހުގެ ތެރޭގައެވެ. ފުލުހުންގެ ވަޒީފާގައި އަނީސް ހިދުމަތް ކުރައްވާތާ މިހާރު 21 އަހަރަށް ވުރެ ގިނަ ދުވަސް ވެއްޖެއެވެ.
