ކުޑަ ފިރިހެން ކުއްޖަކަށް ފިހިގެން ލިބުނު މައުލޫމާތަކާއި ގުޅިގެން އެ މައްސަލަ ބަލަމުން އަންނަކަމަށް ފުލުހުން ބުނެފިއެވެ.
ފުލުހުން ބުނީ 13 އަހަރުގެ ފިރިހެން ކުއްޖަކު ފިހިގެން ފަރުވާދެމުންދާ ކަމަށް ފުލުހުންނަށް ލިބުނު މައުލޫމާތަކާއި ގުޅިގެން އެކަމުގެ މައުލޫމާތު ހޯދާ މި މަހުގެ 23 ވަނަ ދުވަހު އެ މައްސަލަ ތަހުގީގުކުރަން ފަށާފައިވާކަމަށެވެ.
އިތުރަށް ފުލުހުން ބުނީ އެ ކުއްޖާއަށް ފަރުވާ ދެމުން ދަނީ ހުޅުމާލެ ހޮސްޕިޓަލުގައި ކަމަށެވެ.
މި ހާދިސާ ހިނގި ގޮތް ތަހުގީގުގެ ތެރެއިން ބަލަމުން އަންނަކަމަށް ފުލުހުން ބުނެފައިވާއިރު، މި ހާދިސާއާއި ގުޅޭ އިތުރު އެއްވެސް ތަފްސީލެއް އަދި ފުލުހުން ހާމަކޮށްފައެއް ނުވެއެވެ.
