މާލޭގައި ސައިކަލެއްގައި ދުއްވަމުންދިޔަ މީހަކަށް ތޫނު އެއްޗަކުން ހަމަލާދީ ޒަހަމްކޮށްލި މައްސަލައިގައި ދެ މީހަކު ހައްޔަރު ކޮށްފިއެވެ.
މި މަހުގެ15 ވަނަ ދުވަހުގެ ހެނދުނު 08:17 އެހައިކަށްހާއިރު މާލޭގެ ރަތްވިލާމަގުގައި ހިނގި މި ހާދިސާ އާ ގުޅިގެން ހައްޔަރުކޮށްފައި ވަނީ މާލެ، ހ. ރޯޒެންޑޭލް، ސަފްވާން ޒުފްރަތު (29 އަހަރު) އާއި ށ. ފޭދޫ، އުދަރެސް، އަލީ ނާޝިދު (34 އަހަރު) އެވެ.
މި މައްސަލައާއި ގުޅިގެން ސަފްވާން ޒަފްރަތު ހައްޔަރުކޮށްފައިވަނީ ޖަނަވަރީ 20 ވަނަ ދުވަހުގެ 21:19 އެހައިކަންހާއިރު ކަމަށް ފުލުހުން ވަނީ ބުނެފައެވެ. އަދި އަލީ ނާޝިދު ހައްޔަރުކޮށްފއިވަނީ މި މަހުގެ 21 ވަނަ ދުވަހުގެ 01:09 އެހައިކަންހާއިރު ކަމަށް ފުލުހުން ވަނީ ބުނެފައެވެ، އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 5 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.
ފުލުހުން ބުނީ ރަތްވިލާމަގުން ދުއްވާފައިދިޔަ ސައިކަލެއްގައި އިން މީހަކަށް ބަޔަކު މީހުން ތޫނު އެއްޗަކުން ހަމަލާދީ ޒަހަމް ކޮށްލާފައިވާ މައްސަލަ ދިވެހި ފުލުހުންގެ ހިދުމަތުގެ ގޭންގް ކްރައިމް އިންވެސްޓިގޭޝަނުން ތަހުގީގުކުރަމުން އަންކަމަށެވެ.
