ސޮއި ފޯޖްކޮށް ކުންފުންޏެއްގެ ޝެއާ ބަދަލުކުރަން އުޅުނު މައްސަލައެއް ބަލަމުންދާ ކަމަށް ފުލުހުން ބުނެފިއެވެ.
ސޮއި ފޯޖްކޮށް ޝެއާ ބަދަލުކުރަން އުޅުނީ އެމަރަލްޑް ގްރޭންޑް ހޮޓެލްގެ އެވެ.
ފުލުހުން ބުނީ އެމަރަލްޑް ގްރޭންޑް ހޮޓެލްގެ އީ-ސިގްނޭޗާ ފޯޖްކޮށްގެން ކުންފުނީގެ ޝެއާ ބަދަލުކުރަން އުޅުނު މި މައްސަލަ ފުލުހުންނަށް ރިޕޯޓްކޮށްފައި ވަނީ މިދިޔަ އޮގަސްޓް މަހުގެ 22 ވަނަ ދުވަހު ކަމަށެވެ.
މި މައްސަލަ ތަހުގީގު ކުރަމުންދާ ކަމަށް ފުލުހުން ބުނެފައިވީ ނަމަވެސް މި މައްސަލައާ ގުޅޭ އިތުރު ތަފްސީލް ފުލުހުން ހާމަކޮށްފައެއް ނުވެއެވެ.
