ވިލިމާލެއިން މޫދަށް އެރި އުޅުނު ދިވެއްސަކު އޮޔާ ދިއުމުން އެ ސަރަހައްދުން ދަތުރު ކުރި އެމްޓީސީސީގެ ފެރީއަކުން އެމީހާ ސަލާމަތް ކޮށްފިއެވެ.
ފުލުހުން ބުނީ، މި ހާދިސާ ހިނގައިގެން މިއަދު ރިޕޯޓްކޮށްފައި ވަނީ މެންދުރު ފަހު 3:55 ހައިރު ކަމަށެވެ.
އެ ވަގުތު އެމީޙާ އެމްޓީސީސީ ފެރީއަށް ނަގައި އެމީހާއަށް އިތުރު ފަރުވާ ދިނުމަށް ވަނީ މާލެ ގެނެސްފައި ކަމަށް ވެސް ފުލުހުން ބުނެއެވެ. އަދި އެމީހާގެ ހާލު ރަނގަޅު ކަމަށް ވެސް ފުލުހުން ބުނެއެވެ.
އެމްޓީސީސީ ފެރީން އެމީހާ ނަގާފައިވާ އިރު، އެމީހާ ސަލާމަތް ކުރުމަށް ދިޔަ ބަޔަކު ވެސް ވަނީ ނަގާފައެވެ. އެމީހުން ނަގާފައި ވަނީ އެ ވަގުތު އެ ސަރަހައްދަށް ދިޔަ މެރިން ޕޮލިސްގެ ލޯންޗަކުން ކަމަށް ފުލުހުން ބުނެއެވެ.
