އެމްޑީޕީ ގައުމީ މަޖިލީހުގެ ހުސްވެފައިވާ މަގާމުތަކަށް ކުރިމަތިލާން އެ ޕާޓީން މިއަދު ހުޅުވާލައިފިއެވެ.
އެޕާޓީގެ ގައުމީ މަޖިލީހުގެ ހުސްވެފައިވާ ހއ. ހޯރަފުށީ ދާއިރާގެ ރައީސް، ރ. އިނގުރައިދޫ ދާއިރާގެ ރައީސް އަދި ގއ. ވިލިނގިލީ ދާއިރާގެ ރައީސް ކަމުގެ މަގާމަށް ކުރިމަތިލުމުގެ ފުރުސަތު ހުޅުވާލާފައިވަނީ މި މަހުގެ ވަނަ ދުވަހާއި ހަމަށެވެ.
މި މަގާމަށް ކުރިމަތިލުމުގެ ޝަރުތުތަކުގެ ތެރޭގައި
– ޖަނަވަރީ 01، 2025 އާއި ހަމައަށް އެޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން.
– ވޭތުވެދިޔަ 5 އަހަރު ތެރޭގައި އެޕާޓީގެ އަސާސީ ގަވާއިދާއި ހިލާފުވެފަނުވާ މެންބަރެއް ކަމުގައިވުން.
އެމްޑީޕީގެ ގައުމީ މަޖިލީހަކީ އެ ޕާޓީގެ ކޮންގްރެސް ނެގުމަށްފަހު، ޕާޓީގެ އެންމެ އިސް ގުނަވަނެވެ. އެމްޑީޕީގެ ގައުމީ މަޖިލީސް އެކުލެވިގެން ވަނީ ޗެއާޕާސަން، ޕާޓީގެ ރައީސް، ޗެއާޕާސަންގެ ނައިބު، ޕާޓީގެ ނައިބު ރައީސް، މަޖިލީހުގެ މެންބަރުން، އަންހެނުންގެ ރޫހުގެ ރައީސާ، ޒުވާނުންގެ ހިތްވަރުގެ ރައީސް، ޕްރޮވިންސްތަކުގެ ރައީސުން އަދި ދާއިރާތަކުގެ ރައީސުންނެވެ.
