މިފްކޯގެ ޗެއާމަންކަމުގެ މަގާމުގައި ހުންނެވި އަހުމަދު ޝަރީފް މަސްވެރިކަން ކުރިއަރުވަން އުފެއްދި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ލިމިޓެޑް (އެމްފޯމްޕީސީ)ގެ ޗެއާމަންކަމަށް ބަދަލުކޮށްފިއެވެ.
ޕްރައިވަޓައިޒޭޝަން އެންޑް ކޯޕަރޭޝަން (ޕީސީބީ) އިން މިއަދު ކުރި ޕޯސްޓެއްގައި ބުނީ މިފްކޯގެ ބޯޑުން ޝަރީފު 30 ޑިސެމްބަރުގައި ވަކިކޮށް ހަމަ އެ ދުވަހު އެމްފޯމްޕީސީގެ ޗެއާއަކަށް އައްޔަންކޮށްފައިވާ ކަމަށެވެ.
ފާހަގަކޮށްލެވޭ ގޮތުގައި ރާއްޖޭގެ މަސްވެރިކަން ކުރިއެރުވުމަށްޓަކައި އެމްފޯމްޕީސީ އުފައްދާފައިވަނީ މިދިޔަ ފެބްރުއަރީ މަހުއެވެ. މި ކުންފުނި އުފައްދާ މި ކުންފުންޏަށް ވަނީ އެމްޑީއަކާއި ހަތަރު ބޯޑު މެންބަރުން އައްޔަނުކޮށްފައެވެ. މި ކުންފުންޏަށް އައްޔަނުކޮށްފައިވާ އެމްޑީއަކީ އަހުމަދު ޒަރީރު އެވެ.
ކުންފުނީގެ ބޯޑު މެމްބަރުންކަކީ މުންޝިދާ އިބްރާހިމް، އަހުމަދު ޝިފާޒު، އަހުމަދު ޔާމީން އަދި އާދަމް މަނިކު އެވެ.
މި ކުންފުންޏަކީ ދިވެހި އުފެއްދުންތަކަށް ރާއްޖެ އާއި ބައިނަލްއަގުވާމީ ބާޒާރުގައި ޕްރޮމޯޓުކޮށް ވިއްކުމުގެ މަގްސަދުގައި އުފެއްދި ކުންފުންޏެކެވެ.
