މި ސަރުކާރުގެ ފުރަތަމަ ފިނޭންސް މިނިސްޓަރު ޑރ. މުހައްމަދު ޝަފީގް ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ)ގެ ބޯޑަށް އައްޔަން ކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ގެ ވެބްސައިޓުން ދައްކާ ގޮތުގައި އެޗްޑީއެފްސީގެ ބޯޑަށް ޝަފީގް އައްޔަންކުރީ މި މަހުގެ ދެވަނަ ދުވަހު އެވެ. އެޗްޑީއެފްސީގެ ވެބްސައިޓުން ފެންނަ އެ ކުންފުނީގެ ބޯޑު މެންބަރުންގެ ތެރޭގައިވެސް ޝަފީގް ހިމެނެއެވެ.
މީގެ ކުރިންވެސް އެޗްޑީއެފްސީގެ އިސް މަގާމުތައް ފުރުއްވާފައިވާ ޝަފީގް ވަނީ 2021 އިން 2023 އަށް އެޗްޑީއެފްސީގެ ޗީފް ފައިނޭންޝިއަލް އޮފިސަރު (ސީއެފްއޯ)ގެ މަގާމު އަދައިކުރައްވާފައެވެ.
މި ސަރުކަރުގެ ފުރަތަމަ ފައިނޭންސް މިނިސްޓަރުގެ ގޮތުގައި ރައީސް މުއިއްޒު އައްޔަންކުރެއްވި ޝަފީގު އެ މަގާމުން އިސްތިއުފާ ދެއްވީ ސެޕްޓެމްބަރު މަހުގެ 30ވަނަ ދުވަހެވެ.
