ހައްޔަރުކޮށްފައިވާ ޓެކްސީ ޑްރައިވަރުން ދޫކޮށްލަން ދެން ހަމަހިމޭން އިހުތިޖާޖެއް ކުރިއަށްގެންދަން ޓެކްސީ ޑްރައިވަރުން ނިންމައިފިއެވެ.
އެގޮތުން ޑްރައިވަރުން އިންތިޒާމް ކުރި ފުރަތަމަ އެއްވުން ރޭ ކުރިއަށް ގެންގޮސްފައިވާއިރު ޓެކްސީ ޑްރައިވާސް ކޮމިއުނިޓީން ބުނެފައި ވަނީ ރުއްގަނޑު ސަރަހައްދުގައި ކުރިއަށްދާ މި އިހުތިޖާޖު ކުރިއަށް ގެންދާނީ ސުލްހަވެރިކަމާއެކު ކުރިއަށްދާ އެއްވުންތަކެއްގެ ގޮތުގައި ކަމަށެވެ. މި އިހްތިޖާޖުގައި ބައިވެރިވި ޑްރައިވަރުން ބުނީ މި އެެއްވުންތައް ސިލްސިލާކޮށް ކުރިއަށްގެންދާނެ ކަމަށާއި ޑްރައިވަރުންގެ ކަންބޮޑުވުންތަކަށް ހައްލެއް ނުލިބެނީސް އެއްވުންތައް ހުއްޓާ ނުލާނެ ކަމަށެވެ.
މީގެ އިތުރުން މި އިހްތިޖާޖުގައި ބައިވެރިވި ޑްރައިވަރުން ވަނީ ހައްޔަރު ކޮށްފައި ތިބި ޑްރައިވަރުން މިނިވަންކުރުމާއި، ޓޯ ކޮށްފައި ހުރި ކާރުތަކުގެ ތެރެއިން ދޫކޮށްނުލާ ހުރި ކާރުތައް ދޫކޮށްލުމަށް ގޮވާލާފައެވެ. އަދި ސަރުކާރުން ޓެކްސީ ހިދުމަތް ދޭން ކުރަމުން އަންނަ މަސައްކަތާ ދެކޮޅު ޑްރައިވަރުން ވަނީ އަޑުއުފުލާފައެވެ. އެގޮތޖން ޑްރައިވަރުން ވަނީ ޓެކްސީ ފްލީޓުގެ މަސައްކަތް ހުއްޓާލުމަށް ގޮވާލާފައެވެ. އަދި ޑްރައިވަރުންގެ ޑިމާންޑްތައް ފުރިހަމަ ނުވާނަމަ ޓެކްސީ ޑްރައިވަރުންގެ މުޒާހަރާތައް އިތުރަށް ވަރުގަދަކުރާނެކަމަށްވެސް މި އިހްތިޖާޖުގެ ބައިވެރިން ވަނީ ބުނެފައެވެ.
މިދިޔަ ބުދަ ދުވަހުގެ ރޭޓެކްސީ ޑްރައިވަރުންތައް ވަނީ އަޑުއުފުލުމަށް މަގުމައްޗަށް ނުކުމެ، ހައިވޭއަށް 4 ފުރޮޅުލީ ވެހިކަލްތަކަށް ނޭރޭ ގޮތަށް މުޅި ސަރަހައްދުގައި ކާރުތައް ޕާކު ކުރުމަށްފަހު އަޑު އުފުލާފައެވެ. މި އިހްތިޖާޖަށް ފުލުހުން ގޮސް، މިކަމުގައި އިސްކޮށް އުޅުނު ދެ ޑްރައިވަރުންގެ އިތުރުން ބައެއް ޓެކްސީތައް ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
މުޒާހަރާ ކޮއްކޮށް ތިބޭ ތީކީޓެކުސީގެ ޚިދުމަތް ދޭން އުޅޭ ބައިގަނޑެއް ނޫން ޚިދުމަތެއްގައި ޚިދުމަތް ލިބޭފަރާތައްވުރެން ޚިދުމަތްދޭ ފަރާތް މޮޅެއް ނުވާނެ ޓެކުސީ ލައިންއެއް ހަދަންޖެހޭ އޭރުން ބޭނުން އިރަކު ޚިދުމަތް ލިބޭނީ މިހާރުހެން ޑުރައިވަރުދާކޮޅު ނޫން އަނެއްކޮޅަށް ދާނަމަ ނޯ ބުނުން ނެތިގެންދާނެ