ރާއްޖޭގެ ފުރަތަމަ ރައީސް މުހައްމަދު އަމީން ދީދީއަށް ހެދިހެން، ގައުމު ހިންގަވަން ހުންނެވި ވެރިޔާ ރައްޔިތުންނަށް އަނިޔާވެރިވީމާ ހަދަން ޖެހިދާނެ ކަމަށް ބުނެ އެމްޑީޕީގެ ޗެއާޕާސަން ފައްޔާޒް އިސްމާއިލް ދެއްކެވި ވާހަކައަށް އަމީންދީދީގެ ކާފަދަރިކަނބަލުން އަދި ރާއްޖެއިން ޔޫކޭއަށް ކުރިން ކަނޑައަޅާފައި ހުންނެވި ސަފީރު ޑރ.ފަރަހަނާޒް ފައިސަލް ރައްދު ދެއްވައިފިއެވެ.
އެކްސްގައި ކުރެއްވި ޕޯސްޓެއްގައި ފަރަހަނާޒް ވިދާޅުވީ އިސްލާމީ ޝަރުއީ ހަމަތަކުން ބޭރުން މީހަކު މަރާލުމަކީ ދުވަހަކުވެސް ގަބޫލު ކުރެވޭނެ ކަމެއް ނޫން ކަމަށެވެ.
ކޮންމެ ގޮތަކަށް ކަމެއް ކުރިޔަސް ބަޔަކުނިކުމެ މީހަކު މަރާލުމަކީ އިސްލާމްދީން ހުއްދަކުރާ ކަމެއް ނޫންކަން ވެސް ފަރަހަނާޒް ވަނީ ފާހަގަ ކުރައްވާފައެވެ. އަދި މިއީ އެމްޑީޕީގެ ރަސްމީ ސްޓޭންޑްތޯ އައްސަވާ އޭނާ ވަނީ ސުވާލު އުފައްދަވާފައެވެ.
އެއީ އެމްޑީޕީގެ ރަސްމީ ސްޓޭންޑް ކަމުގައިވާނަމަ މިއީ ދިރިހުރުމުގެ ހައްގު ހިމެނޭ ގޮތަށް މީހުންގެ އަސާސީ ހައްގުތަކަށް ތެދުވި އެމްޑީޕީ ނޫން ކަމަށް ވެސް ފަރަހަނާޒް ވަނީ ވިދާޅުވެފައެވެ.
"ގާނޫނުއަސާސީގެ ދިފާއުގައި" ނަމުގައި މި މަހުގެ 6 ވަނަ ދުވަހުގެ ރޭ ކުޅުދުއްފުށީ ސިޓީގައި އިދިކޮޅު އެމްޑީޕީން ބޭއްވި ޖަލްސާއެއްގައި ވާހަކަ ދެއްކި އަބްދުއްރަހްމާން އިސްމާއިލް ކިޔާ މީހަކު ވަނީ ރައީސް އަމީނަށް ހެދިގޮތަށް މުއިއްޒުއަށް ހަދަން ޖެހިދާނެ ކަމަށް ބުނެފައެވެ. އެ މީހާ ބުނީ "އަމީން ކުޅުއްވީ ދުންފަތާ" ކަމަށެވެ. އަދި "ރައީސް މުއިއްޒު ކުޅުއްވަނީ ގާނޫނުއަސާސީއާ" ކަމަށެވެ. ގާނޫނު އަސާސީއާ ކުޅޭ ކަމަށްވަންޏާ ރީތި ކެއްސެއް ލިބިގެންދާނެ ކަމަށް އެމީހާ ބުނެފައި ވެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މިކަމާ ގުޅިގެން ސުވާލުކުރުމުން ފައްޔާޒް ވިދާޅުވީ ރައްޔިތުންނަށް ދެރަ ދިނީމައި ހަދަން ޖެހޭނީ މުހައްމަދު އަމީނަށް ހެދިހެން ކަމަށާއި އެއީ ދިވެހިރާއްޖޭގެ ތާރީހު ދައްކާފައި އޮތް ހަގީގަތް ކަމަށެވެ. ކުޅުދުއްފުށީ ޖަލްސާގައި އެމީހަކު އެހެން ބުނެފައި ވަނީ ރައީސް ޑރ. މުއިއްޒަށް ނަސޭހަތެއް ދިނުމުގެ ގޮތުން ކަމަށް ގަބޫލު ކުރައްވާ ކަމަށް ފައްޔާޒް ވިދާޅުވިއެވެ.
ޖަލްސާއެއްގައި ޕޯޑިއަމަކަށް އަރާ ހުރެ ރާއްޖޭގެ ތާރީހުގައި ހިންގާފައިވާ ކަންކަން ވެރިންނަށް ހަނދާންކޮށް ދިނުމަކީ ކޮންމެހެން ކުރަން ޖެހޭ ކަމެއް ކަމަށް ފައްޔާޒް ވިދާޅުވިއެވެ. ތާރީހަށް ބަލާއިރު ރާއްޖޭގެ ސިޔާސީ މަސްރަހުގައި ކަން ހިނގާ ގޮތަށް އަލިއަޅުއްވާލައްވަމުން ފައްޔާޒް ވިދާޅުވީ، ބަޔަކަށް އަނިޔާވެރި ވެއްޖެއްޔާ އަނިޔާވެރިވާނެ ކަމަށެވެ. ރައްޔިތުންނަށް އަނިޔާވެރި ނުވުމަށް ގޮވާލައްވަމުން ފައްޔާޒް ވިދާޅުވީ އަނިޔާވެރި ވެއްޖެ ނަމަ ތާރީހުގެ ފޮތްތަކުން ރައްޔިތުން ކުޅޭނެ ކަމަށެވެ.
އަމީން ދުންފަތާ ކުޅުނު ކަމުގެ ތުހުމަތު ކޮށް، އޭރު ވެރިކަން ބޭނުން ވެފައި ތިބި ބަޔަކު އަޑީގައި ތިބެ އަމީން ދީދީ ދިނީ ހަވަރަށެވެ. ތަޅާ އަނިޔާކޮށް އަވަހާރަވާން ދޫކޮށްލީ ފަޅުރަށަކަށެވެ.
ފައްޔާޒަކީ އިންސާނެއްކަމަށް ޤަބޫލުކުރާން ދަތި. އޭނާ މަގާމުން މިހާރުން މިހާރަށް ދުރުކުރޭ!
މާލޭގެ ބައެއް އާއިލާތައް ރައްޔިތުންގެ މުދަލާއި ފައިސާއިން ވައްކަންކުރަން ފެންބޮވައިގެންފައި ތިބިލެއް ބޮޑުކަމުން ރައްޔިތުންނަށް މެދުކެނޑުމެއްނެތި ދިމާވަމުންދާ ދުއްތުރާ ތަކާއި މެދު ވިސްނާ ފިކުރު ކުރާނެ ބަޔަކު މިގައުމުގައި ހަމަ ނެތީހެއްޔެވެ. އަދިވެސް އެއާއިލާ ތައް ހިތްފުރޭވަރެެއް ނުވޭހެއްޔެވެ.!؟ އެބައިމީހުން ސިޔާސީ ކަންކަމުން ދުރުވެ ހަލާލު ގޮތުގައި އާމްދަނީ ހޯދަން ދަސްކުރަން އަދިވެސް ނުވޭހެއްޔެވެ.؟؟!!
ފައްޔާޒަކީ އެމް.ޑީ.ޕީގެ ހަލާކު.
ފައްޔާޒަށް މިހާރުކިޔޭނުކިޔޭ އެއްޗެއްވެސް ނޭނގެނީދޯ ވެރިކަމަށް ތިވަރު ބޫތުކާން ހެޔޮނުވާނެ ފައްޔާޒުތީ ބޯގަންވިލާ އިސްމާއިލު ނަސީރުގެ ދަރިޔެކޭ ބުނަންވެސް ލަދުގަންނަ ހިސާބަށް މިހާރު ފައްޔާޒުގެ ބަސްމަގު ހިނގައްޖެ އިސްމާއިލް ނަސީރަކީ މަޑުމައިތިރި އެހާމެ އަޚުލާގު ރަނގަޅު ބޭފުޅެއް ނަސީރު ސަރުކާރުގަ އުޅުއްވި ދުވަސްވަރު ވަޒީފާ އަދާކުރެއްވި ކޮންމެ އޮފީހެއްގެ އިސް މަގާމެއްގަ ހުންނެވި. ޓްރޭޑް މިނިސްޓްރީ އެޓޯލްސް އެޑްމިނިސްޓްރޭޝަން މިއިން ކޮންމެ ތާކު މިނިސްޓަރުވެސް ނަސީރަޢް އެހާ އިހްތިރާމް ކިރައްވާނެ އެކަހަލަ ބޭފުޅެއްގެ ދަރިޔެކޭ ފައްޔާޒު ބުނަން ލަދުގަންނަން ޖެހޭނެ ޗިޗިޗި