މަސްތުވާތަކެތީގެ ގާނޫނަށް މިހާރު ހުށަހަޅާފައި އޮތް އިސްލާހުގެ ބިލުގައި ކުށް ސާބިތުނުވާ ހާލަތުގައި ވެސް އެ މީހެއްގެ މުދާ ދައުލަތަށް ނެގޭ ގޮތަށް އޮތުމަކީ ކަންބޮޑުވާކަމެއް ކަމުގައި އައްޑޫ ސިޓީ މީދޫ ދާއިރާގެ މެންބަރު އަބްދުއްރަހްމާން ވިދާޅުވެއްޖެއެވެ.
މަސްތުވާތަކެތީގެ ގާނޫނަށް ހުށަހަޅާފައި ވާ އިސްލާހުގެ ބިލަށް ބަހުސްކުރައްވަމުން އަބްދުއްރަހްމާން ވިދާޅުވީ މިހާރު ހުށަހަޅާފައި އޮތް ބިލުގައި 161 ވަނަ މާއްދާގައި ކުށް ސާބިތުނުވާ ހާލަތުގައި އެ މީހެއްގެ މުދާ ދައުލަތަށް ނެގޭ ގޮތަށް އޮތް އޮތުން އޭނާގެ ސިކުނޑިއަކަށް ގަބޫލެއްނުކުރެވޭ ކަމަށެވެ. އަދި ހަމައެހެންމެ، މި ގާނޫނުގެ 151 ވަނަ މާއްދާގެ ހ. ގެ 10 ގައި ވާގޮތަށް އުޅަނދެއް ދައުލަތަށް ނެގޭނަމަ އޮޑިވެރިޔާގެ އެއްވެސް ބައިވެރިވުމެއް ހިއްސާއެއް ނެތް ކަމެއްގައިވ ނަމަވެސް އޮޑި ދައުލަތަށް ނެގުމުގެ ފުރުސަތު އެބައޮތްކަމަށް އަބްދުއްރަހްމާން ވިދާޅުވިއެވެ.
އެ މާއްދާތަކަކީ ގާނޫނު އަސާސީގެ 40 ވަނަ މާއްދާ އާއި ހިލާފު މާއްދާއެއްކަން ފާހަގަކުރަމުން އަބްދުއްރަހްމާން ވިދާޅުވީ އެ ގާނޫނަކީ މަސްތުވާތަކެތީގެ މައްސަލައަށް ޖުމްލަ ހައްލު ކަމުގައި ނުވި ނަމަވެސް ގާނޫނަށް އިތުރު އިސްލާހުތަކެއް ގެނެސް، ކޮންމެ ވެސް ވަރެއްގެ ހައްލެއް ލިބޭނެ ކަމަށް އުންމީދުކުރައްވާ ކަމަށެވެ. އެގޮތުން، އެމެރިކާ އަދި ސިންގަޕޫރު ފަދަ ގައުމުތަކުގައި އަމަލުކުރާ ގޮތަށް ރިއާޔަތްކޮށް، ހެކި ހޯދުމުގެ އިޖުރާއަތުތައް ހަރުދަނާކުރެވޭނެ ކަމަށް އުންމީދުކުރައްވާ ކަމަށް އަބްދުއްރަހްމާން ވިދާޅުވިއެވެ.
މިހާރު ފެންނަނީ ކޮރަޕްޝަންގެ ސަބަބުން ކުށްވެރިން ދޫވެގެންދާ މަންޒަރުކަން ފާހަގަކޮށް އަބްދުއްރަހްމާން ވިދާޅުވީ އެއްވެސް ވަރަކަށް މަސްތުވާތަކެތީގެ މައްސަލައިގައި ގާނޫނު ތަންފީޒުކުރެވޭ ތަން ނުފެންނަކަމަށެވެ.
ބިރުގަންނަނީތަ އެގޮތައްފާސްކުރީމަ ؟ކުރަންބާރުދެނީތަ؟؟ ކަމަކާމެދެ ދެންދޯ ހާސްވާވަތަރަކައް ދޯވާހަކަ؟؟