ތ. ވަންދޫއިން ސިހުރު ހަދާކަމުގެ ތުހުމަތުގައި މީހަކު ހައްޔަރު ކޮށްފިއެވެ.
ފުލުހުން ބުނީ، އެ ރަށުން ސިހުރު ހަދާކަމަށް ތުހުމަތު ކުރެވޭ މައްސަލައެއް ރިޕޯޓުކޮށްފައި ވަނީ އިއްޔެ ހަވީރު 18:05 އެހައިކަންހާއިރު ކަމަށެވެ.
މި މައްސަލައިގެ ތުހުމަތުގައި 61 އަހަރު ދިވެހި ފިރިހެނަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. ނަމަވެސް އެކަމާ ގުޅޭ އިތުރު އެއްވެސް ތަފްސީލެއް ފުލުހުން ހިއްސާކޮށްފައި ނުވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
މިހާރަކަށް އައިސް ރާއްޖޭގެ އެކި ކަންކޮޅުތަކުގައި ސިހުރު ހަދާކަމުގެ މައްސަލަ ވަރަށް ބޮޑުވެފައި ވެއެވެ. އަދި ދޭތެ ދޭތެރެއިން އެފަދަ ތުހުމަތު ތަކުގައި އެކި މީހުން ހައްޔަރުވެސް ކޮށްފައި ވެއެވެ.
