ބިންވެރިޔާ ސްކީމްގެ ދަށުން ހުޅުމާލެއިން ދޫކުރި ގޯތިތަކަށް ސަރުކާރުން އެޗްޑީސީއަށް 5.4 ބިލިއަން ރުފިޔާ ދައްކަންޖެހޭ ކަމަށް އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ވިދާޅުވެއްޖެއެވެ.
ފަޒުލް މިފަދައިން ވިދާޅުވީ ރައްޔިތުންގެ މަޖިލީހުގެ މާލިއްޔަތު ކޮމިޓީގައި ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ކުރެއްވި ސުވާލައް ޖަވާބު ދެއްވަމުންނެވެ.
އަބްދުލްޣަފޫރު ވަނީ ބިންވެރިޔާ ސްކީމްގެ ދަށުން ހުޅުމާލެއިން ދޫކޮށްފައި ގޯތީގެ ބިމަކީ ސަރުކާރުން ގަނެފައިވާ ބިންތޯ ނުވަތަ އެޗްޑީސީގެ ބިމުން ދޫކުރި ބިންތޯ ސުވާލު ކުރައްވާފައެވެ.
ފަޒުލް ވިދާޅުވީ ބިންވެރިޔާ ލޭންޑް ކޮމްޕަންސޭޝަންގެ ގޮތުގައި ސަރުކާރުން އެޗްޑީސީއަށް 5.4 ބިލިއަން ރުފިޔާ ދައްކަން ޖެހޭ ކަމަށެވެ. އަދި އެ ބިމަކީ އެޗްޑީސީއިން ސަރުކާރަށް ވިއްކާފައިވާ ބިން ކަމަށެވެ.
ސަރުކާރުން 5.4 ބިލިއަން ރުފިޔާ އެޗްޑީސީއަށް ދައްކަން ޖެހުނު ނަމަވެސް އަދި މިހާތަނަށް މި ފައިސާގެ މުއާމަލާތް ހިނގާފައި ނުވާ ކަމަށް ފަޒުލް ވިދާޅުވިއެވެ. އަދި އެކަން ކުރާނީ މި ސަރުކާރުން ކަމަށް ވެސް ފަޒުލް ވަނީ ވިދާޅުވެފައެވެ.
ބިންވެރިޔާ ސްކީމްގެ ދަށުން ހުޅުމާލެ ފޭސް 2އިން ގޯތި ލިބުނު ހުރިހާ ފަރާތްތަކަށް މިހާރު ވަނީ ގޯތިހަވާލުކޮށް ނިމިފައެވެ.
ފަޒުލް. ކަލެއާ. ކަލޭ. އައި ލާއިން. މިގައުމް. ކުރިކަންތައް. މާބޮޑުވާނެ. ކަލެއަކީ. އިހުލާސްތެރިއެއްނޫން