ދަރުމަވަންތަ ހޮސްޕިޓަލާ ދިމާލުން މޫދަށް އެރިއުޅެނިކޮށް ކޮޅުވެއްޓިއެއްގެ ބުރަފަތީގައި ޖެހި ޒަހަމްވި މީހާ ނިޔާވެއްޖެއެވެ.
ފުލުހުން ބުނީ މި ހާދިސާގައި ނިޔާވެފައިވަނީ އުމުރުން 55 އަހަރުގެ މީހެއް ކަމަށާއި މި މައްސަލަ ފުލުހުން ތަހުގީގު ކުރަމުން ދާކަމަށެވެ.
މިއަދު މެންދުރުގެ ވަގުތެއްގައި ހިނގި މި ހާދިސާގައި އަނިޔާވި މީހާ ފެނިފައި ވަނީ ދަރުމަންތަ ކައިރީގައި ހުންނަ ބަސް ސްޓޮޕްގަައި މަޑުކޮށްގެން އޮތް އެމްޓީސީސީ ބަހުގައި މަސައްކަތް ކުރަމުން ދިޔަ މުވައްޒަފުންނަށެވެ.
އެމްޓީސީސީގެ މުވައްޒަފުންނާއި ފުލުހުންގެ އެހީތެރިކަމާއެކު އެ މީހާ އެވަގުތު ސަލާމަތްކޮށް ވަނީ އައިޖީއެމްއެޗަށް ގެންގޮސްފައެވެ.
މި ހާދިސާއާ ގުޅިގެން މައުލޫމާތު ދެމުން އޭރު ފުލުހުން ބުނީ އެ މިހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ. އޭނާ ނިޔާވެފައިވަނީ ހޮސްޕިޓަލުގައި ފަރުވާދެމުން ދަނިކޮށެވެ.
