ދަރުމަވަންތަ ހޮސްޕިޓަލާ ދިމާލުން މޫދަށް އެރިއުޅުނު މީހަކު ކޮޅުވެއްޓިއެއްގެ ބުރަފަތީގައި ޖެހި ޒަހަމްވެއްޖެ ކަމަށް މައުލޫމާތު ލިބިއްޖެއެވެ.
އެމީހާ ފެނިފައި ވަނީ ދަރުމަންތަ ކައިރީގައި ހުންނަ ބަސް ސްޓޮޕްގަައި މަޑުކޮށްގެން އޮތް އެމްޓީސީސީ ބަހުގައި މަސައްކަތް ކުރަމުން ދިޔަ މުވައްޒަފުންނަށެވެ.
އެ މީހާ ސަލާމަތްކޮށްފައި ވަނީ އެމްޓީސީސީގެ މުވައްޒަފުންނާއި ފުލުހުންގެ އެހީތެރިކަމާއެކުގައެވެ. އަދި އެމީހާއަށް މިހާރު ދަނީ ހޮސްޕިޓަލުގައި ފަރުވާ ދެމުންނެވެ.
މި ހާދިސާއާ ގުޅިގެން މައުލޫމާތު ދެމުން ފުލުހުން ބުނީ އެ މިހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ. އަދި އެމީހާއަށް އަނިޔާވެފައި ވަނީ އުޅަނދެއްގައި ޖެހިގެން ކަމަށް ބެލެވޭ ކަމަށެވެ.
މި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ވަނީ ބުނެފައެވެ.
