ފުވައްމުލަކުން 4 އަހަރުގެ ފިރިހެން ކުއްޖަކު ގެއްލިގެން ހޯދަން ފަށައިފިއެވެ.
ފުލުހުން ބުނީ 4 އަހަރުގެ ފިރިހެން ކުއްޖަކު ފުވައްމުލަކުން ގެއްލިގެން ފުލުހުންނަށް ރިޕޯޓު ކޮށްފައިވާ ކަމަށާއި އެކުއްޖާ ހޯދުމުގެ މަސައްކަތް ފުލުހުން މިހާރު ކުރަމުން ދާ ކަމަށެވެ.
ހޯދަމުން ދަނީ ޏ. ފުވައްމުލަށް، އިޒްޔާން ހުޝާމް (4އ) އެވެ.
ކުއްޖާގެ ބައްޕަ ފޭސްބުކުގައި ކުއްޖާގެ ފޮޓޯއާއެކު ހިއްސާ ކޮށްފައިވާ ޕޯސްޓެއްގައި ބުނެފައިވަނީ އިޒްޔާންގެ އެއްވެސް މައުލޫމާތެއް ލިބިފައިވާ ފަރާތެއް ވާނަމަ 9100872 ނުވަތަ 9884426 އަށް ގުޅާ މައުލޫމާތު ހިއްސާކޮށްދިނުމަށެވެ.
ކުއްޖާއާއި ގުޅުން ހުރި އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.
