ޑިވެލޮޕްމަންޓް އޮބްޖެކްޓިވް ގްރާންޓް އެގްރީމަންޓް (ޑީއޯއޭޖީ) އަށް 14 ވަނަ އިސްލާހު ގެނައުމުގެ އެއްބަސްވުމުގައި ރާއްޖެ އާއި އެމެރިކާއާ ދެމެދު، މިއަދު ސޮއިކޮށްފިއެވެ.
މިނިސްޓްރީ އޮފް ފޮރިން އެފެއާޒްގައި ބޭއްވި ސޮއިކުރުމުގެ ރަސްމިއްޔާތުގައި، މި އިސްލާހުގައި ދިވެހި ސަރުކާރުގެ ފަރާތުން ސޮއިކުރެއްވީ މިނިސްޓާ އޮފް ސްޓޭޓް ފޮ ފޮރިން އެފެއާޒް ޝެރީނާ އަބްދުލް ސަމަދުއެވެ. އެމެރިކާ ސަރުކާރުގެ ފަރާތުން ސޮއިކުރެއްވީ ޔޫއެސްއޭއައިޑީގެ މިޝަން ޑިރެކްޓަރު ގެބްރިއަލް ގްރާއުއެވެ.
ޑީއޯއޭޖީ އަކީ ޕަބްލިކް ފައިނޭންސް ބެލެހެއްޓުމުގައި ރާއްޖޭގެ ފަންނީ ގާބިލްކަން ހަރުދަނާކޮށް، ރާއްޖޭގެ އިގްތިސާދީ އަދި ޑިމޮކްރެޓިކް ވެރިކަން ހަރުދަނާކޮށް އިތުރުކުރުމަށް ރާއްޖެ އާއި އެމެރިކާއާ ދެމެދު ސޮއިކޮށްފައިވާ ލޭންޑްމާކް ޑިވެލޮޕްމަންޓް ކޯޕަރޭޝަން އެގްރީމަންޓެކެވެ.
މިދިޔަ އަހަރުތަކުގެ ތެރޭގައި ރާއްޖެއަށް ދޫކުރާ ފައިސާ އިތުރުވަމުން އަންނައިރު މި އިސްލާހުގެ ތެރެއިން އެމެރިކާ ސަރުކާރުން ވަނީ ރާއްޖެއަށް އިތުރު 8.5 މިލިއަން ޑޮލަރު ދިނުމަށް އެއްބަސްވެފައެވެ. މި އެއްބަސްވުމާއެކު ޖުމްލަ އަގު 45.7 މިލިއަން ޑޮލަރަށް އިތުރުކޮށްފައިވެއެވެ.
ޑީއޯއޭޖީގެ ސާދަ ވަނަ އިސްލާހުގައި ސޮއިކުރުމުގެ ރަސްމިއްޔާތުގައި ފޮރިން މިނިސްޓްރީ އާއި ޔޫއެސްއޭއައިޑީ މިޝަން ޓު ދަ މޯލްޑިވްސްގެ އިސް އޮފިޝަލުން ބައިވެރިވެވަޑައިގެންނެވިއެވެ.
ދެން ކިހިނެއް އިޒްރާއީލް ގެ ޕާސްޕޯރޓު މަނާކުރެވޭނީ.