އެމްޑީޕީގެ ދާއިރާތަކުންނާއި ރަށްތަކުން ހުސްވެފައިވާ ނައިބު ރައީސްކަމުގެ މަގާމަށް ކުރިމަތިލުމުގެ ފުރުސަތު ހުޅުވާލައިފިއެވެ.
އިންތިހާބު ބޭއްވުމަށް ހަމަޖެހިފައި ވަނީ އަނނަ އޮގަސްޓް މަހުގެ 2 ވާ ހުކުރު ދުވަހު ކަމަށް އެމްޑީޕީއިން ބުނެއެވެ.
އެމްޑީޕީއިން ކުރިމަތިލުމަށްް ހުޅުވާލާފައި ވަނީ ހުސްވެފައިވާ 13 ދާއިރާއެއްގެ ނައިބު ރައީސްގެ މަގާމުގެ އިތުރުން 103 ދާއިރާއެއްގެ ރަށު ނައިބު ރައީސްކަމުގެ މަގާމަށެވެ.
ކުރިމަތިލުމުގެ ޝަރުތުތައް:
- 1 ޖުލައި 2024 އާއި ހަމައަށް އެމްޑީޕީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން
- ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ގަވާއިދާއި ހިލާފުވެފައި ނުވާ މެންބަރެއްކަމުގައިވުން
މި މަގާމްތަކަށް ކުރިމަތި ލާން ބޭނުންވާ މެންބަރުން އިންތިހާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު އަންނަ ހޮނިހިރު ދުވަހުގެ މެންދުރުފަހު 2:00 ގެ ކުރިން ފޯމު ހުށަހެޅުމަށް ޕާޓީއިން ވަނީ އެދިފައެވެ.
