ލަންޑަނުން ފުރައިގެން ސިންގަޕޫރަށް ދަތުރުކުރި ބޮއިން 777-300އީރާ މަރުކާގެ ބޯޓު ދަތުރުކުރަމުން ދަނިކޮށް ވައިގެތެރޭގައި ޓާބިއުލެންސް ]ލޮޅުން އެރުން[ ދިމާވެ އެކަކު މަރުވެ 30 މީހަކު ޒަހަމް ވެއްޖެއެވެ.
މިހާދިސާ އާ ގުޅިގެން ބޯޓު އަނބުރާލައި ބެންކޮކަށް ގޮސްފައި ވާ އިރު ޓާބިއުލެންސް އާ ދިމާވީ މޫސުން ގޯސްވެގެން ކަމެއް ނުވަތަ ވައި ބާރުވުމާއި ވިލާ ބޯވުމުގެ ސަބަބުން ކަމެއް އަދި ސާފެއް ނުވެއެވެ.
މި ފްލައިޓުގައި 211 ފަސެންޖަރުންނާއި 18 ކްރޫއިން ތިއްބެވެ.
މިހާދިސާ އާ ގުޅިގެން މަރުވި މީހާގެ އާއިލާ އަށް ސިންގަޕޫރު އެއާލައިންސްގެ ފަރާތުން ވަނީ ތައުޒިޔާ ކިޔާފައެވެ.
