ގއ. މާމެންދޫ ފިހާރައެއްގެ ފުރާޅުން ޓިނު ނަގައިގެން ވަދެ، ފިހާރައިން ވައްކަން ކޮށްފިއެވެ.
ފުލުހުން ބުނީ މާމެންދޫ ފިހާރައަކުން ވައްކަން ކޮށްފައިވާ މައްސަލައެއް މި މަހުގެ 10 ވަނަ ދުވަހު ފުލުހުންނަށް ރިޕޯޓްކޮށްފައިވާ ކަމަށެވެ. ރޭ މައުރިބް ނަމާދާ، އިޝާ ނަމާދާ، ދެމެދުގެ ވަގުތެއްގައި އެ ފިހާރައަށް ވަގަށް ވަދެފައިވާއިރު ފުލުހުން ބުނީ މިހާތަނަށް ބެލިބެލުމުން އެ ފިހާރައިން ފައިސާ އާއި އެހެނިހެން ތަކެތި ވަގަށް ނަގާފައިވާކަން އެނގިފައިވާ ކަމަށެވެ.
ފުލުހުން ބުނީ މި މައްސަލަ އާއި ގުޅިގެން އަދި މިހާތަނަށް މީހަކު ހައްޔަރުކޮށްފައި ނުވާކަމަށެވެ. އަދި މި މައްސަލަ އިތުރަށް ތަހުގީގުކުރަމުން ދާ ކަމަށް ފުލުހުން ވަނީ ބުނެފައެވެ.
ރާއްޖޭގައި ވައްކަމުގެ މައްސަލަ އިތުރުވަމުން އަންނައިރު މިއަހުރުގެ މިހާތަނަށް ވައްކަމުގެ 1262 މައްސަލަ ވަނީ ހުށަހަޅާފައެވެ.
