ވަކިކޮށްފައިވާ ދެ ސްޓޭޓް މިނިސްޓަރުންނަށް މަގާމު ދީފައިވަނީ އޮޅުމަކުން ކަމަށް ރައީސް މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ، ވަޒީރުންގެ މަޖިލީހުގެ ނިންމުންތަކަކާ ގުޅޭ މައުލޫމާތު ދެއްވުމަށް އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައެވެ. ރައީސް ވިދާޅުވީ، އެމަނިފުފާނު އައްޔަން ކުރެއްވި ދެތިން ބޭފުޅަކު ވަޒީފާއިން ވަކިކުރި ކަަމަށާއި އެއީ އިދާރީ ގޮތުން ހެދިފައި އޮތް ގޯހެއް ކަމަށް ވިދާޅުވެފައެވެ.
ރައީސް ވިދާޅުވީ އެކަން އެއަށް ވުރެ ރަނގަޅަށް ބެލެންވާނެ ކަމަށާއި، ވަކިކުރީ އެ ބޭފުޅުންގެ މައްސަލައަކުން ނޫން ކަމަށް ވިދާޅުވިއެވެ.
މަޤާމު ހަވާލުކުރުމަށް ފަހު ވަކިކުރެއްވި ބޭފުޅުންގެ ތެރޭގައި ސީއެސްސީގެ ކުރީގެ ރައީސް، އަދި ފޮރިން މިނިސްޓްރީގެ ސްޓޭޓް މިނިސްޓަރު ކަމަށް އައްޔަން ކުރެއްވި މުހައްމަދު ފަހުމީ ހަސަން އަދި ޓުއަރިޒަމް މިނިސްޓްރީގެ ސްޓޭޓް މިނިސްޓަރު ކަަމަށް އައްޔަން ކުރެއްވި މުއްނިމް އަނީސް ހިމެނެއެވެ.
މީގެ އިތުރުން ސްޓެލްކޯގެ މެނޭޖިންގް ޑިރެކްޓަރުކަން ކުރެއްވި ހަސަން މުޢުނީ ޕްރައިވެޓައިޒޭޝަން ކޯޕްރަޓައިޒޭޝަން ބޯޑަށް އައްޔަންކުރެއްވުމަށްފަހު ވަނީ ވަކި ކޮށްފައެވެ. ޕީސީބީ އަލުން އެކުލަވާލައި މެންބަރުން އާންމު ކުރިއިރު އޭނާ ވަނީ މަގާމުން ވަކިކޮށްފައެވެ.
ދެންބުނާނީވެސް ކީކޭތަ، އެހެންވީމާ ބުނެލަން ބޭނުންވަނީ އަނދިރިރަސްގެފާނެކޭ އަލިރަސްގެފާނެކޭ ވެސް ވީހަމަ އެއްވަރޭ، ވަކިވަރެއްވާ ވަކިމީހަކު ނެތޭ.