ރާއްޖޭގައި މަސައްކަތް ކުރަމުންދާ އިންޑިއާގެ ސިފައިން، މިދިޔަ ފަސް އަހަރު ތެރޭ، ރާއްޖޭގެ ސަލާމަތާއި ރައްކާތެރިކަމާ ގުޅޭ 450 އަށް ވުރެ ގިނަ އޮޕަރޭޝަންތައް ހިންގާފައިވާ ކަމަށް އިންޑިއާގެ އެކްސްޓާނަލް އެފެއާޒް މިނިސްޓްރީގެ ތަރުޖަމާނު އަރިންދަމް ބާޗީ ވިދާޅުވެއްޖެއެވެ.
މިނިސްޓްރީ އޮފް އެކްސްޓާނަލް އެފެއާޒްގެ ޕްރެސް އެއްގައި އަރިންދަމް ވަނީ މި ފަސް އަހަރު ތެރޭ އިންޑިއާއިން ރާއްޖެއަށް ފޯރުކޮށްދީފައިވާ އެހީތެރިކަމާ ގުޅޭ ގޮތުން ވެސް ވާހަކަ ދައްކާފައެވެ. އެގޮތުން ބާޗީ ވަނީ ރާއްޖޭގެ ކަނޑުމަތީގެ ސަލާމަތީ ކަންކަން ކަށަވަރު ކުރުމުގެ ގޮތުން ހިންގާފައިވާ އޮޕަރޭޝަންތަކާއި ރާއްޖެއަށް ދިމާވާ ކުއްލި ހަލާތްތަކުގައި ހާއްސަކޮށް ކޮވިޑް19 ގެ ދުވަސްވަރު އިންޑިއާ އިން ފޯރުކޮށްދިން އެހީތެރިކަން ފާހަގަ ކުރައްވާފައެވެ.
މީގެ އިތުރުން އޭނާ ވިދާޅުވީ މިދިޔަ ފަސް އަހަރު ދުވަހުގެ ތެރޭގައި ދިމާވި މެޑިކަލް އެމެޖެންސީތަކުގައި 523 ދިވެއްސެއްގެ ފުރާނަ ސަލާމަތް ކުރުމަށް އިންޑިއާ ސިފައިން މަސައްކަތް ކޮށްފައި ވާކަމަށެވެ. އެ ގޮތުން 2021 ވަނަ އަހަރު 109 ފަހަރު އަދި 2022 ވަނަ އަހަރު 140 ފަހަރު އިންޑިއާ ސިފައިން ހަރަކާތްތެރިވި ކަމަށް އޭނާ ވަނީ ވިދާޅުވެފައެވެ. މީގެ އިތުރުން 2023 ވަނަ އަހަރުގެ 131 ފަހަރު އިންޑިއާ ސިފައިންގެ އެހީތެރިކަން ފޯރުކޮށްދީފައި ވާކަން ފަހަގަ ކުރައްވައި ވިދާޅުވީ އިންޑިއާގެ އެހީގެ ސަބަބުން އިޖްތިމާއީ މައްސަލަތައް ހައްލުކުރުމުގައި ރާއްޖެއަށް ބޮޑެތި ކުރިއެރުންތައް ލިބިފައިވާ ކަމަށެވެ.
އިންސާނީ އެހީގެ އިތުރުން ކާރިސާތަކުން އަރައިގަތުމުގައި ވެސް އިންޑިއާއިން ރާއްޖެއަށް އެހީ ފޯރުކޮށްދީފައި ވާކަން ފާހަގަ ކުރައްވާ ބާޗީ ވިދާޅުވީ ރާއްޖެ އާއި އިންޑިއާގެ ގުޅުން ބިނާވެފައި ވަނީ ކުރިމަތިވާ މައްސަލަތައް ހައްލުކޮށް، ކާމިޔާބީތައް ހާސިލު ކުރުމުގައި އެކުގައި މަސައްކަތް ކުރުމުގެ މައްޗަށް ކަމަށެވެ.
ރާއްޖޭގެ އިންތިހާބީ ރައީސް ޑރ. މުހައްމަދު މުއިއްޒުގެ ސަރުކާރާއެކު ކުރިއަށް ދާނެ ގޮތާ ބެހޭ ގޮތުން ވާހަކަ ދައްކަމުން އޭނާ ވިދާޅުވީ މުއިއްޒުގެ ސަރުކާރާ އެކު މަސައްކަތްތައް ކުރުމަށް އިންޑިއާ ތައްޔާރު ކަމަށެވެ. އަދި ދެ ގައުމުގެ ގުޅުން އިތުރަށް ހަރުދަނާ ކުރާނެ ގޮތްތައް ހޯދުމަށް މަޝްވަރާ ކުރުމަށް އުންމީދު ކުރައްވާ ކަމަށް ވެސް އޭނާ ވިދާޅުވިއެވެ.
އިންސާނީ ތަބީއަތެއްނޫން އެއްވެސްމީހެއްގެ ޑިޕެންޑެންސީއެއްގަ އޮތުމަކީ އަދި ތިޔަވަރުގެ ކަމެއްގަ ބައެއްގެ އިއްޒަތުންނަފްސުވެސް ގެއްލޭނެ
ކޮއްކޯ ތިޔަކިޔާ އެއްޗެއް އެނގޭ ހެއްޔެވެ.؟ އެއްވެސް ގައުމެއްގައި އެގައުމުގެ މިނިވަން ކަމަށް ބުރޫ އަރާ ގޮތަށް އެހެން ގައުމެއްގެ މިލިޓަރީން ތިބުމަކީ ވެގެން ވާނެކަމެއް ނޫނެވެ.އިންޑިޔާ އައުޓްކީ އެހެންވެގެންނެވެ.އިންޑިޔާ ރައްޔިތުންނާ ދެކޮޅީއެއް ނޫނެވެ. * އަހަރުމެން އިންޑިޔާއަށް ގޮސް ބޭސްފަރުވާ ކުރަނީ ފައިސާ ޚަރަދުކޮށްގެންނެވެ. އެތަނަށް ފިސާރިއަށް ފައިސާ ޚަރަދު ކޮށްގެންނެވެ. އެމީހުންނަށް ފިސާރި ފައިދާ ވާގޮތަށެވެ.އަދިވެސް އެފަދަ ކަންކަން ބޭނުމެވެ.ނަމަވެސް މިނިވަންކަން މުހިންމެވެ.
ހުދުހުދާ ކަލޭ ތީ މޮޔަ އެއް. އިންޑިޔާ އުޓްއަކީ ފާޅުކަނބޮޑުކޮށް މި ގައުމުގަބަޔަކު ހިންގި ޖަރީމާއެއް. އޭގެ ތެރޭގައި ކަލެވުންވެސް އެކަށީގެންވޭ. އެއަކީ މި ގައުޖުގަވާ އިންޑިޔާ ސިފައިނަށް ހަމ އެކަނި ޖެއްސި ކަމެއްނޫން. އޮޅުވާލަނ އުޅުނަސް އެކމެއް ނުވާނެ. ވެރިކަމަށް ބޫތުކައިގެންއުޅުނު ބަޔަކު ޖެއްސި ސްޓެންޑެއް. އެމަޅީގައި ރަނގަޅަށްޗެސް ދިވެހިން ޖެހިއްޖެ. ދެންތިބޭބަލަން އިންޑިޔާ އައުޓްކޮށްގެންލިބޭނެ ވަރަާް ނަފާ ކަލޭމެންނަށް. އަނގަ މުންޖެއްހެން ހަދައިގެން އެދުވަހަކު ކަލޭމެން މި ގައުމުގަފުއްޕަންނަހަދާތި. ވ. ސަލަމް