އިންތިހާބީ ރައީސް ޑރ. މުހައްމަދު މުއިއްޒުގެ ރިޔާސީ ދައުރުގައި، ބަންގްލަދޭޝްއާ އެކު އޮންނަ ގުޅުން މިހާރަށް ވުރެ ހަރުދަނާ ކުރައްވާނެ ކަމަށް އެމަނިކުފާނު ވިދާޅުވެއްޖެއެވެ.
ޑރ. މުއިއްޒުގެ އަރިހަށް، ބަންގްލަދޭޝް އިން ދިވެހިރާއްޖެއަށް ކަނޑައަޅާފައިވާ ސަފީރު، އިހުތިރާމުގެ ޒިޔާރަތެއް ކުރައްވާފައި ވާއިރު މި ބައްދަލު ކުރެއްވުމުގައި، އިންތިހާބީ ރައީސް މުއިއްޒުގެ ރިޔާސީ ދައުރުގައި، ބަންގްލަދޭޝްއާ އެކު އޮންނަ ގުޅުން މިހާރަށް ވުރެ ހަރުދަނާ ކުރެވި، އާ ހަރުފަތަކަށް ގެންދެވުމަށް އުއްމީދު ކުރައްވާ ކަމަށް ވިދާޅުވެފައި ވެއެވެ.
މީގެ އިތުރުން ބަންގްލަދޭޝްއާ ދިވެހިރާއްޖޭއާ ދެމެދު އެކި ދާއިރާތަކުން އުފެދިފައިވާ ގާތް ގުޅުންތައް ފާހަގަ ކުރައްވާ ފެށިގެންދާ އާ ދައުރުގައި އެ ގުޅުންތައް އިތުރަށް ފުޅާވެ ބަދަހިވުމަށް އެދިވަޑައިގަންނަވާ ކަމަށް މުއިއްޒު ވިދާޅުވިއެވެ.
ބަންގްލަދޭޝްގެ ސަފީރުގެ ވާހަކަގައި، ދިވެހިރާއްޖެ އާއި ބަންގްލަދޭޝްގެ ގުޅުން އިތުރަށް ހަރުދަނާކުރުމަށް ދެ ފަރާތުން ގުޅިގެން ކުރެވެންހުރި މަސައްކަތްތަކަށާއި ދިވެހިރާއްޖޭގެ ތަރައްގީއަށް ބޭނުންވާ އެކި ދާއިރާތަކުން ފުރިހަމަ އެހީތެރިކަމާއި އެއްބާރުލުން ދެއްވާނެ ކަމުގެ ޔަގީންކަން ދެއްވިއެވެ.
މި ބައްދަލުވުމުގައި، އިންތިހާބީ ނައިބު ރައީސް ވެސް ބައިވެރިވެވަޑައިގެންނެވިއެވެ.
މުއިއްޒު މިއަދު ބަންގްލަދޭޝްގެ ސަފީރާ މިއަދު ބައްދަުލުރައްވާފައި ވާއިރު އިއްޔެ ތިން ގައުމެއްގެ ސަފީރަކާ މުއިއްޒު ވަނީ ބައްދަލު ކުރައްވާފައެވެ. މިގޮތުން މުއިއްޒުގެ އަރިހަށް ޗައިނާގެ ސަފީރު ވާން ލިޒިންގާއި، އިންޑިއާގެ ސަފީރު މޫނު މަހާވަރާއި، ޔޫއޭއީގެ ސަފީރު ވަނީ އިހްތިރާމްގެ ޒިޔާރަތެއް ކުރައްވާފައެވެ.
