ޓެކްސް އެޕީލް ޓްރިބިއުނަލް މުވައްޒަފުންގެ މުސާރަ ބޮޑުކޮށްނުދިނުމުން އެ އޮފީހުގެ މުވައްޒަފުން މިއަދު އިހްތިޖާޖުކޮށްފިއެވެ.
އެ އޮފީހުގެ މުވައްޒަފުން ކަޅު ހެދުމުގައި ނުކުމެ މިއަދު އެ އޮފީހުގެ ކުރިމަތީގައި އިހްތިޖާޖުކޮށްފައިވާއިރު އެ މުވައްޒަފުން ވަނީ ދައުލަތުގެ އެހެން އިދާރާތަކުގެ މުވައްޒަފުންގެ މުސާރަތަކަށް ހެޔޮ ބަދަލު ގެންނަމުން ދިޔަ ނަމަވެސް ޓެކްސް އެޕީލް ޓްރައިބިއުނަލްގެ މުވައްޒަފުންގެ މުސާރައަށް ހެޔޮ ބަދަލެއް ނާންނަ ކަމަށް ބުނެ ކަންބޮޑުވުން ފާޅުކޮށްފައެވެ.
ޓެކްސް އެޕީލް ޓްރިބިއުނަލް މުވައްޒަފުންގެ މުސާރައަށް ބަދަލު ނާންނަތާ 12 އަހަރުވެފައިވާ ކަމަށާއި މުސާރަ ބޮޑުކޮށްދިނުމަށް އެތައް ފަހަރަކު އެދިފައިވާނެ ކަމަށް އިހްތިޖާޖުގެ ބައިވެރިން އަންނަނީ ބުނަމުންނެވެ.
އިހްތިޖާޖުގެ ބައިވެރިން ބޯޑުތައް ހިފައިގެން ނުކުމެ ތިބިއިރު، "މުސާރައިގެ ކުރިއެރުން ހައްގު ވަނީ ވަކި ބަޔަކަށްތޯ؟"، ދެން މަސައްކަތް ކުރެވޭނީ މުސާރަ ބޮޑު ކުރުމުން"، "އަދި މަޑު ކުރަންވީ ކިތައް 12 އަހަރު؟" ފަދަ މުވައްޒަފުންގެ ޝުއޫރުތައް އެ ބޯޑުތަކުގައި ވެއެވެ.
މި ސަރުކާރުގައި ރައީސް އިބްރާހިމް މުހައްމަދު ސޯލިހް ވަނީ ގިނަ މުއައްސަސާތަކެއްގެ މުވައްޒަފުންގެ މުސާރައަށް ހެޔޮ ބަދަލު ގެނެސްދެއްވާފައެވެ. އެގޮތުން ބަލާއިރު ސިއްހީ ދާއިރާ އަދި ތައުލީމީ ދާއިރާގެ މުވައްޒަފުން ހިމެނެއެވެ. އޭވިއޭޝަން ދާއިރާގެ މުވައްޒަފުންގެ މުސާރައަށް ހެޔޮ ބަދަލު ގެންނަވާނެ ކަމަށް ރޭ ރައީސް ސޯލިހް ވަނީ ވިދާޅުވެފައެވެ.
އަޅުގަނޑުގެ މުވައްކިލަކީ އަބަދުވެސް މީހުންނަށް ހަޤީގަތް އޮޅޭ ގޮތަށް ވާހަކަ ދައްކާ މި ކަހަލަ އިތުރުފު ހަދާ ފަރާތެއް ކަން އިއްސޭ އަށާއި ގޯބިޓު ގައި އުޅޭ ކުއްޖާއަށް އަދި ހުރިހާ މުއައްޒަފުންނަށް އޭނގޭނެ.
ކަލޯ ޕެއި ކޮމިޝަނާ. ނޭގޭ ވާހަކަ ނުދައްކާ ހުރެބަލަ. ޢެތަނުގެ މުއައްޒަފުން ގެއައް ގެންދަން 7000 ރުފިޔާ ނުލިބޭ. މެމްބަރުންގެ މުސާރަ ބޮޑުވީމަ މެމްބަރުން މުއައްޒަފުން ނަށް ލިބޭ އެތިކޮޅު ކުޑަވެގެން ނޫޅެ. ޢެހެންވެ ބަރާބަރަށް ހިޔަރިން ކެންސަލް ނުކޮށް ވޭތޯ ބަލާކަމަށް ރައީސް މުއައްޒަފުންނާއި ބައްދަލު ކޮށް ބުނީ. ރައީސް އަށް ނުވިސްނޭ ކަމަކީ ކޮންމެ ނައިބް ރައީސަކުވެސް ރައީސް ކަން ބޭނުން ވާނެކަން. މީ ވަރަށް ވާހަކަ.
މުއައްޒަފުން ހަގީގަތުގައި މީ ޑިއާ ތަކުގައި ( ގާސިމް ބުނާ ވަރަށް ޓުރާންސް ޕޭރެންސީ ) ކޮށް އޮފީހުގެ ވާހަކަ ދައްކާއި ފިނަމަ ބޭޒާރުވާނީ މެމްބަރުން. ޢެހެންވެ މީޑިއާގައި ވާހަކަ ނުދައްކަނީ. ޢެމީހުން މުއައްޒަފުންނަށް ލިބޭ އެތިކޮޅު ކުޑަވެގެން އެވާހަަކަ ދުވަހަކުވެސް މީޓިން އެެއްގައި ފާހަގައެއް ނުކުރޭ. މުއައްޒަފުން މަގުމަތީގައި ތި ބޭ އިރުވެސް އެމީހުން މުއައްޒަފުން ކުރިމަތިން ވަދެގެން ދަނީ ހޭ ވެސް އަހާނުލާ. މުއައްޒަފުން މަގުމަތީގައި ބަހައްޓައިގެން ތިބޭ ކަމުން ދައްކައިދެނީ މެމްބަރުން ފެއިލް ވެއްޖެކަން.
ތީ ކޮން އިރަކު އުފެދިގެން އުޅޭ ތަނެއް. ކުރާނެ ކަމެއް ނެތި އަބަދު ބޭރުގަ އުޅޭ ބައެއްތަ އަނެއްކާ! ހޫން ގެއަށް ކަނޑާލާ
ކުރާ ކަންތަކުގެ މަޢުުލޫމާތު ހޯދާ ބަލާލުން ކިހިނެއްވާނެ. ޢޭރުން އިނގޭނެ އެތެރޭ ތިބެގެންް ކިހާ މުހިއްމު މަސައްކަތް ކުރާ ތަނެއްކަން މީ
ޓެކްސް އެޕީލް ޓްރަބިއުނަލް ގެ މުވައްޒަފުންނަށް މީގެ ބާރަ އަހަރު ކުރިންފެށިގެން ލިބެމުން އަންނަ މުސާރައާ ހަމައަށް އަދި ކިރިޔާ ޓޗަރުންގެ މުސާރަވެސް ހަމަކުރީ.... ތިރީގަ މިވަނީ ޑިގްރީ ފެންވަރުގެ މުވައްޒަފެއްގެ މުސާރަ.... މިހާރު ޓީޗަރަކަށް ލިބޭ ވަރަށް ވުރެވެސް މަތި. 12 އަހަރުވީ ދޭތާ. އަދިވެސް ނިކުމޭ އަސާސީ މުސާރަ: -/12,000ރުފިޔާ - ނޮން ޕްރެކްޓިސިންގ އެލަވަންސް: -/4,800 ރުފިޔާ (އަސާސީ މުސާރައިގެ %40) - ލިވިންގ އެލަވަންސް: -/3,500 ރުފިޔާ - ކަނޑައެޅިފައިވާ އުޞޫލުން އިތުރު ގަޑީގެ ފައިސާ ދެވޭނެ
ކަލޭ ހާދަ މޮޅޭ ދޯ. ކޮންތާކުން ހޯދައިގެން އުޅޭ މަޢުލޫމާތެއްތަ؟ ޓެކްސް އެޕީލް ޓްރައިބިއުނަލުގައި އަސާސީ މުސާރައަށް 12000 ރުފިޔާ ލިބޭ މުވައްޒަފެއް ނުހުންނާނެ. ގިނަ މުވައްޒަފުންނަށް އެލަވަންސް ލައިގެންވެސް 12000 ނުލިބޭ ގެއަށް ގެންދަން. މާ އިނގޭ މީހަކަށް ވެގެން އަނގަތަޅަން ނުހަދާ އެހެންކަމަކާ އުޅެބަލަ. އަދި ބުނަން ނޭނގޭ ކަންކަމަށް އަނގަ ތަޅެމުގެ ކުރިން މައުލޫމާތު ކަށަވަރު ކުރޭ.