އދ، މަހިބަދޫގެ އިހުތިސާސްގައި އެރަށާ ކައިރީގައި އޮންނަ މާފަރުފަޅު ހިމަނާނެ ކަމަށް ޕީއެންސީގެ ކެންޑިޑޭޓު ޑރ. މުހައްމަދު މުއިއްޒު ވައުދުވެ ވަޑައިގެންފިއެވެ.
މުއިއްޒު މިފަދައިން ވިދާޅުވީ، ރިޔާސީ ކެމްޕެއިންނަށް ކުރައްވާ ދަތުރުގެ ތެރެއިން އދ. މަހިބަދޫއަށް ވަޑައިގެން އެ ރަށުގައި ކުރިއަށް ގެންދިޔަ ކެމްޕެއިން ޖަލްސާގައި ވާހަކަ ދައްކަވަމުންނެވެ.
މުއިއްޒު ވިދާޅުވީ، މަހިބަދޫއަކީ ބިން ނެތް، ފުރިފައި އޮތް ރަށެއް ކަމަށާއި އެކަން ހައްލު ކުރުމަށްޓަކައި ދެކަމެއް ކުރެވިދާނެ ކަމަަށެވެ.
އެގޮތުން ރައްޔިތުން އެދޭނަމަ ރަށުގައި ހުރި ހުސްކޮށް ހައުސިން ޕްރޮޖެކްޓު ހިންގިދާނެ ކަމަށް މުއިއްޒު ވިދާޅުވިއެވެ.
މީގެ އިތުރުން ބިން އިތުރުކުރުމަށް މާފަރުފަޅު މާބައިދޫގެ އިހުތިސާސްގައި ހިމަނާ އެތަނުގައި ހައުސިން ޕްތޮޖެކްޓުތަައް ކުރިއަށް ގެންދެވިދާނެ ކަމަަށެވެ.
އަދި ރަނގަޅަށް ޕްލޭންކޮށް އިގްތިސާދީ ގޮތުންނާއި، އިޖުތިމާއީ ގޮތުން ޖާގަ ލިބޭ ގޮތަށް ޕްލޭން ކުރައްވާނެ ކަމަށް ވެސް ވިދާޅުވެފައެވެ.
މުއިއްޒު އިތުރަށް ވިދާޅުވީ، މިސަރުކާރުން މަހިބަދޫގެ ފުޓުބޯޅަދަނޑަށް ވަރަށް ބޮޑަށް އިހުމާލުވެފައިވާ ކަމަށާއި އެއްވެސް ކަމަކަށް ސަމާލުކަން ނުދޭ ކަމަށެވެ.
ހަމައެހެންމެ މަހިބަދޫ ހޮސްޕިޓަލް ހުރީ ރަނގަޅު ހާލެއްގައި ނޫން ކަން ފާހަގަކުރައްވާ މުއިއްޒު ވިދާޅުވީ، އޭނާގެ ވެރިކަމެއްގައި ފެންވަރު ރަނގަޅު، އިތުރު ހިދުމަތްތަކާއެކު ހޮސްޕިޓަލެއް އަޅުއްވައި ދެއްވާނެ ކަމަށެވެ. އަދި މިރަށުގައި ނަހަދާހުރި ކުދި މަގުތަކާއެކު ހުރިހާ މަގެއް ރަނގަޅު ފެންވަރަށް ހައްދަވައި ދެއްވާނެ ކަމަށެެވެ.
މުއިއްޒު ވަނީ މިދަތުރުގައި ވަޑައިނުގެންނެވޭ ހުރިހާ ރަށެއްގެ ރައްޔިތުންނަށް މެސެޖެއް ދެއްވާފައެވެ، އެގޮތުން ކޮންމެ ރަށަކަށް ވެސް ސަމާލުކަން ދެއްވާ ކުރަންވަން ޖެހިވަޑައިގަންނަވާ ހުރިހާ ކަމެއް ކޮށްދެއްވާނެ ކަމަށް މުއިއްޒު ވިދާޅުވިއެވެ.
