މި މަހުގެ 22 ވަނަ ދުވަހުން ފެށިގެން ހުޅުމާލެއިން ގެއްލިގެން ހޯދަމުންދާ މީހާ އަދިވެސް ފެނިފައި ނުވާކަމަށް ފުލުހުން ބުނެފިއެވެ.
އިއްޔެ ފުލުހުން ގެއްލިގެން ހޯދަން އިއުލާން ކޮށްފައި ވަނީ، ހއ. ބާރަށް / ސައިނިންސްޓާ، މުހައްމަދު ތައުފީގް (35) އަހަރެވެ.
'ދަ ޕްރެސް' އަށް މައުލޫމާތު ދެމުން ފުލުހުން ބުނީ ގެއްލިގެން ހޯދަމުންދާ މީހާގެ އެއްވެސް ހަބަރެއް އަދިވެފައި ނުވާކަމަށާ އޭނާ ހޯދުމުގެ މަސައްކަތް އަދިވެސް ކުރިއަށް ގެންދާ ކަމަށެވެ.
އޭނާގެ އާއިލާ އާއި ހަވާލުދީ ފުލުހުން ބުނީ އެންމެ ފަހުން ތައުފީގް ފެނިފައި ވަނީ މި މަހުގެ 22 ވަނަ ދުވަހުގެ 11:00 ހައިރު ހުޅުމާލެ ފޭސް 2 ގައި އޭނާ ދިރިއުޅެމުންދާ އެޕާޓްމަންޓުން ކަމަށެވެ. އޭރު އޭނާ ލައިގެން ހުރީ ގޮޅިޖެހި ރަތްކުލައިގެ ގަމީހަކާއި ނޫކުލައިގެ ޖީންސެއް ކަމަށް އާއިލާއިން ބުނެފައި ވެއެވެ.
ފުލުހުން ވަނީ މުހައްމަދު ތައުފީގްގެ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351 އަށް ގުޅައި މައުލޫމާތު ހިއްސާ ކުރުމަށް އެދިފައެވެ.
