ހޯދަމުން ދިޔަ ކުޑަކުއްޖާ ފެނިފައިވާ ކަމަށް ފުލުހުން ބުނެފިއެވެ.
ފުލުހުން ބުނީ މިއަދު މެންދުރުފަހު 1:44 ހާއިރު މާލެއިން އެ ކުއްޖާ ފެނިފައިވާ ކަމަށާއި ކުއްޖާގެ ހާލު ރަނގަޅު ކަމަށެވެ.
ހުޅުމާލެ ދެވަނަ ފިޔަވަހިން ހޯދަމުން ދިޔައީ ރ. މާކުރަތު، އުމުރުން 12 އަހަރުގެ އައިޝާ ބިންތު މަހްމޫދު ރިޔާޒެވެ.
މައުލޫމާތު ލިބިފައިވާ ގޮތުން އެ ކުއްޖާ ގެއްލިފައި ވަނީ އިއްޔެ އިރުއޮއްސި 6:00 ހާއިރު އާއިލާ ދިރިއުޅޭ ހިޔާ ފްލެޓުން ބޭރަށް ދިޔަ ފަހުންނެވެ. އަދި ފުލުހުން ބުނީ، ކުއްޖާ ގެއްލިގެން ރިޕޯޓް ކުރީ، އޮގަސްޓް 10 ވަނަ ދުވަހުގެ ރޭ ދަންވަރު 1 ޖަހަން އުޅެނިކޮށް ކަމަށެވެ.
ފަހަކަށް އައިސް ރާއްޖޭގައި މީހުން ގެއްލިގެން ހޯދާ މައްސަލަ ރިޕޯޓްކުރާ މިންވަރު އަންނަނީ އިތުރުވަމުންނެވެ.
