އެމްޑީޕީގެ ރިޔާސީ ކެންޑިޑޭޓް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ކުރައްވާ ކެމްޕެއިނަށް ހުރަސް އެޅުމުގެ ގޮތުން ކުރަމުންދާ މުޒާހަރާތަކާ ގުޅިގެން އެ ޕާޓީގެ ޗެއާޕާސަން ފައްޔާޒް އިސްމާއިލް ދެއްވި އިންޒާރަށް ރައީސް ޔާމީންގެ ވަކީލުންގެ ޓީމުގައި ހިމެނިވަޑައިގަންނަވާ ވަކީލު އާދަމް ޝަމީމް ހޫނު ރައްދެއް ދެއްވައިފިއެވެ.
ފުވައްމުލައް ސިޓީގައި ރޭ ބޭއްވި އެމްޑީޕީ ކެމްޕެއިން ޖަލްސާގައި ވާހަކަ ދައްކަވަމުން ފައްޔާޒު ވިދާޅުވީ، އެ ޕާޓީގެ ކެމްޕެއިނަށް ހުރަސް އަޅާނަމަ ރާއްޖޭގެ އެއްވެސް ރަށެއްގައި އެހެން އެއްވެސް ފަރާތަކަށް ވެސް ކެމްޕެއިން ނުކުރެވޭނެ ކަމަށެވެ. ރައީސް ސޯލިހަކީ ހިތްތިރި ބޭފުޅަކަށް ވިޔަސް "އަޅުގަނޑުމެންނަކީ ހިތްތިރި ބައެއް ނޫން" ކަމަށާއި އެހެންކަމުން އެމްޑީޕީގެ ކެމްޕެއިންނަށް ހުރަސް އެޅުން ހުއްޓާލުމަށް ފައްޔާޒް ވަނީ އިންޒާރު ދެއްވާފައެވެ.
ފައްޔާޒްގެ މި އިންޒާރާ ގުޅިގެން ޝަމީމް ކުރެއްވި ޓްވީޓެއްގައި ވިދާޅުވީ، "އެއްކަމެއް ވެސް ނުކުރެވޭނެ ކަމަށާއި ރައްޔިތުންގެ ތާއީދު ނެތް ވެރިއަކާ ދެކޮޅަށް ރައްޔިތުން ބަސް ބުނާނެ ކަމަށެވެ. ތިހެން ދޭ އިންޒާރަކަށް ނުގުޑާނެ ކަމަށާއި މުޒާހަރާތައް ވިއްޔާ ވާނީ ފޯރި ގަދަ" ކަމަށެވެ.
ރައީސް ސޯލިހް ރިޔާސީ ކެމްޕެއިނަށް ވަޑައިގަންނަވާ ބައެއް ރަށްރަށުގައި އިދިކޮޅު ޕީޕީއެމް ސަޕޯޓަރުން ނިކުމެ މުޒާހަރާ ކޮށް ކުރީގެ ރައީސް އަބްދުﷲ ޔާމީން މިނިވަން ކުރުމަށް އަންނަނީ ގޮވާލަމުންނެވެ. އެ ގޮތުން ރޭ ފުވައްމުލަކުގައި ބޭއްވި ޖަލްސާއަށް ވެސް ހުރަސް އަޅައި އިިދިކޮޅު ޕްރޮގްރެސިވް ކޮންގްރެސް ކޯލިޝަންގެ ބައެއް ސަޕޯޓަރުން ވަނީ އެ ޖަލްސާ ބޭއްވި މައިލޯ ސްޓޭޑިއަމާ ކައިރި ސަރަހައްދަކަށް އެއްވެ، މުޒާހަރާ ކޮށްފައެވެ.
އެ މުޒާހަރާގައި ހަމަނުޖެހުން ހިންގައި ފުލުހުންނާ ދިމާއަށް އޮއްގާ އުކާފައި ވާ އިރު ފުލުހުންނަށާއި އާންމުންނަށް އެކި ވަރުގެ އަނިޔާ ލިބިފައި ވެއެވެ. އެ މުޒާހަރާގެ ބައިވެރިންގެ ތެރެއިން ތިން މީހަކު ވަނީ ފުލުހުން ހައްޔަރުވެސް ކޮށްފައެވެ.
ޟަމީމްއަކައް މިކަމުގަ ވާއެއްނުވާއެއް އަދި ނޭނގޭނެ. ހަގީގަތަކީ ޕީ،ޕީ،އެމް އަކައް ނޭނގޭނެ ކެމްޕެއިންކުރާކައް. މިމީހުންނާއި އިދިކޮޅު ބަޔަކު ކެމްޕެއިން ކުރަންޔާ ފިތުނަފަސާދަ އުފައްދާނީ.. އަމިއްލަ ކެޑިޑޭޓައް ވޯޓުގަނޑެއް ހޯދަންނޫޅެ ކެންޕެއިން ހަރަކާތެއްނުހިންގާ ތިބެގެން އެހެން ޕާޓީތަކުން ކުރާ ފޯރިގަދަ ކެމްޕެއިންތައްފެނި ހަޖަމްނުވެގެން ހައެއްކަމީހުން ރަށަކުންނެރޭނެ ފާޑެއްގެ ބެނާގަނޑަކާއި ސައުންޑެއް ބޭނުންކޮއް ފޯރިކަނޑުވާލަން.. އެމް،ޑީ،ޕީ އަކީ ރާއްޖޭގެ އެންމެބޮޑުޕާޓީ. އެމް،ޑީ،ޕީ އިން ބޭނުންވެއްޖެޔާ ފައްޔާޒު އެބުނާ ބީދައިންކަންކުރެވިދާނެ. އެކަމު އެމް،ޑީ،ޕީ އަކީ ޕާޓީތަކުގެ ބައްޕަވީމަ ބަލާނީ ފިތުނަވެރިޕާޓީތަކައް ވިސްނަދެވޭތޯ އަދިވެސް..
ބަލިވާތަން ދެކެން ފައްޔާޒު ބޭނުމެއްނުވޭ އެހެންވީމަ އޭނަޔަށް ދެއްކޭނުދެއްކޭ ވާހަކަ ނޭގެނީ އިބޫމިހާރު މީހުން ދުފާފަ ހައްޕުޑަށްވެސް ބޭނުމެއްނުކުރާނެ
ފުރަތަމަ ފިތުނަފަސާދަ އުފައްދަން ނޫޅެ ރީތިކެމްޕެއިންއެއް ކުރަން ދަސްކޮއްދީބަލަ ޕީ،ޕީ،އެމް ގެ ލީޑަރޟިޕައް. ކޮންމެބަޔަކައްވެސް ކޮންމެރަށެއްގަވެސް އެއްބަޔަކު އަނެއްބަޔަކައް އުނދަގޫނުކޮއް ސުލްހަވެރި ކެމްޕެއިން މިނިވަންކަމާއިއެކު ކުރެވެންޖެހޭނެ. ޔާމިނު އެއް ދެނެއް ވެރިކަމަކައް ނާންނާނެކަން އިނގޭތީ ކެމްޕެއިން ނުކޮއް އަނެކުންނައް އުނދަގޫކުރުން ހަމައެކަނި ކެމްޕެއިން އަކައްއޮތީ ޕީ،ޕީ،އެމް އައް..