ދެ އަހަރުގެ ދަރިފުޅާ އެކު ދިވެހި އަންހެނަކު ގެއްލިގެން ފުލުހުންނަށް ރިޕޯޓްކުރުމާ ގުޅިގެން ހޯދުމުގެ މަސައްކަތް ފަށައިފިއެވެ.
ފުލުހުން ބުނީ، ގެއްލިގެން ހޮދަމުންދަނީ، ހއ. އިހަވަންދޫ / ނަސްރީނުގެ، އާއިޝަތު އިހްސާނާ (32އ) ކަމަށެވެ. އޭނާ ހަބަރެއްނުވެ އާއިލާއަށް ގެއްލިފައިވާ ކަމަށް ރިޕޯޓުކޮށްފައި ވަނީ މިމަހު 29 ވަނަ ދުވަހު ކަމަށް ފުލުހުން ބުނެއެވެ.
އޭނާ އެންމެ ފަހުން ފެނިފައި ވަނީ 29 ވަނަ ދުވަހު ހެނދުނު، އޭނާ ދިރިއުޅޭ ހުޅުމާލެ، ހިޔާ 06-4-15 އިން ކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށް ވެސް ފުލުހުން ވަނީ ބުނެފައެވެ.
ފުލުހުން ބުނީ އިހުސާނާ ގެއްލިފައި ވަނީ އޭނާގެ، ދެ އަހަރުގެ އަންހެން ދަރިފުޅާއެކުގައި ކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
އިހުސާނާގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ 9393351 އަށް ގުޅާ ހިއްސާކުރުމަަށް ފުލުހުން ވަނީ އެދިފައެވެ.
ފަހަކަށް އައިސް މާލެ ސަރަހައްދުން ވާނުވާއެއް ނޭނގި މީހުން ގެއްލޭ މައްސަލަތައް އަންނަނީ ފެންމަތި ވަމުންނެވެ.
