މިއަދު ހުޅުމާލޭގައި ހިނގި މާރާމާރީއެއްގައި އަނިޔާވި ކުއްޖަކަށް ފަރުވާދޭން ފަށައިފިއެވެ.
ފުލުހުން ބުނީ ހުޅުމާލެ ފޭސް 2 ގައި މާރާމާރީއެއް ހިންގާފައިވާ ކަމަށް މިއަދު ހަވީރު 5:20 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.
އެ މާރާމާރީގައި 18 ދަށުގެ ފިރިހެން ކުއްޖަކަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާދެމުންދާ ކަން ފާހަގަކޮށް ފުލުހުން ބުނީ އެހެންނަމަވެސް ސީރިއަސް އަނިޔާއެއް ލިބިފައިނުވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.
ފުލުހުން އިތުރަށް ބުނީ އެ މައްސަލަ ތަހުގީގު ކުރަމުންދާ ކަމަށެވެ.
މާރާމާރީގެ މައްސަލަތަކުގައި މީގެ ކުރިން ގިނަ ބައެއްގެ ފުރާނައަށް ބޮޑެތި ގެއްލުން ވެފައި ވާއިރު ގިނަ އަދަދެއްގެ ބަޔަކު ވަނީ މަރުވެސް ވެފައެވެ. މިފަދަ މާރާމާރީގެ މައްސަލަތަކުގައި ކުޑަކުދިން ޝާމިލްވާ މިންވަރުވެސް ބޮޑެވެ.
