ސައްހަ ނޫން ޓެލެގްރަފިކް ޓްރާންސްފާ (ޓީޓީ) ފޮނުވައިގެން ރާއްޖެއަށް މުދާ އެތެރެކުރި މީހަކު ހައްޔަރު ކޮށްފިއެވެ.
ފުލުހުން ބުނީ ރާއްޖެއިން ބޭރުގެ އެކި ގައުމުތަކުގެ ކުންފުނިތަކުން ދިވެހި ރާއްޖެއަށް މުދާ އެތެރެކޮށް އެ މުދަލުގެ އަގު އަދާކުރުމުގެ ގޮތުން އެ ފަރާތްތަކަށް ސައްހަ ނޫން ޓީޓީ ފޮނުވައިގެން މަކަރާއި ހީލަތުން އޮޅުވާލައިގެން މުދާ އެތެރެކޮށް އެމުދާ ރާއްޖޭގައި ވިއްކާ މަންފާ ހޯދަމުން ދާކަމަށް ތުހުމަތު ކުރެވޭ މީހަކު ހޯދައި ހައްޔަރު ކޮށްފައިވާ ކަމަށެވެ.
އެ މައްސަލައިގެ ތުހުމަތުގައި ކޯޓު އަމުރެއްގެ ދަށުން ހައްޔަރު ކޮށްފައި ވަނީ 37 އަހަރުގެ ދިވެހި ފިރިހެނެއް ކަމަށާއި އެ މައްސަލައާ ގުޅިގެން މާލޭގައި އެމީހާ ދިރިއުޅެމުންދާ ތަން ބަލާ ފާސްކޮށްފައިވާ ކަމަށް ވެސް ފުލުހުން ވަނީ ބުނެފައެވެ.
ފުލުހުން އިތުރަށް އެ މައްސަލަ އިކޮނޮމިކް ކްރައިމް ޑިޕާޓްމަންޓުން ދަނީ ތަހުގީގު ކުރަމުން ކަމަށެވެ.
ރާއްޖޭގައި މިފަދަ ކަންކަން ހިނގާތާ ގިނަ ދުވަސްތަކެއް ވެފައި ވާއިރު ބީއެމްއެލް އެކައުންޓުތަކުން ވެސް ގިނަ އަދަދެއްގެ ފައިސާ ގެއްލޭ މައްސަލަ ބޮޑުވެ، މަޖިލީހަށްވެސް މައްސަލަތަކެއް ވަނީ ހުށަހަޅާފައެވެ.
ޓީޓީ ސައްޙަ ވީމަ އެކޮޅުން ފައިސާ ދޫކުރާނީ. ތި ވާނީ ކަމާނުގުޅޭ މީހެއްގެ އެކައުންޓް ބޭނުން ކުރި ކަމަށް.